Аймақтар • 23 Шілде, 2019

Батыс Қазақстанда қармақ ұрлаған бозбала құтылмады

128 реткөрсетілді

«Батыс Қазақстан облысының Бәйтерек ауданында іске қосылған «Сұңқарсмартсити» бейнебақылау жүйесі өңірдегі қылмыстық оқиғалардың ізін суытпай ашуға үлкен көмек болды» деп хабарлайды БҚО Полиция департаменті.

Жақында Дариян ауылында 68 жастағы зейнеткердің «ИЖ-2126» автокөлігінен белгісіз біреулер балық аулайтын қармақ-құралдарын ұрлап кеткен екен.

Бәйтеректік полиция қызметкерлері «Қауіпсіз аула» жүйесіндегі камера жазбасын қарап, сұғанақты бірден тапты. Ұры 16 жасар бозбала болып шықты. Приурал полиция бөлімі ұрлық оқиғасы бойынша тергеуді бастаған.

Осыдан бір ай уақыт бұрын Бәйтерек ауданында іске қосылған «Сұңқарсмартсити» бейнебақылау жүйесін оралдық «Элайтс» ЖШС мамандары ойлап тапқан. Сөйтіп мемлекет пен жекеменшік әріптестігі негізінде ақылды бағдарлама алғаш рет Бәйтерек ауданының 8 елдімекенінде іске қосылған болатын. Ауданда орнатылған барлық 243 камера бір орталықтан басқарылады.

- Жүйе іске қосылғалы бері осы камера жазбаларының көмегімен 8 қылмыс ашылды. Оның бірі – кісі өліміне қатысты аса ауыр оқиға болатын, - дейді Батыс Қазақстан облыстық Полиция департаменті баспасөз қызметінің маманы Әлия Наурызғалиева.


Батыс Қазақстан

Баннер
Соңғы жаңалықтар

Алматыда жиһаз қоймасы өртенді

Аймақтар • Бүгін, 15:46

Балуандарымыз бабында екен

Спорт • Бүгін, 09:39

Қазақ даласында 10 жыл ат үстінде

Аймақтар • Бүгін, 09:35

Ән мен дәм

Қоғам • Бүгін, 09:22

Әкенің беделі

Аймақтар • Бүгін, 08:59

Қазақтың алтын қазынасы

Руханият • Бүгін, 08:50

Әлеуметтік саясатқа ден қойды

Қазақстан • Бүгін, 08:35

Мәжілісте күн тәртібі нақтыланды

Парламент • Бүгін, 08:14

Ұқсас жаңалықтар