Аймақтар • 13 Тамыз, 2019

Екі секундқа сыйған көріністер

36 реткөрсетілді

«Қарағанды өмірінің бір күні» атты фотокөрмеге келген қала тұрғындары мен қонақтары кеншілер астанасының келбетін әр қырынан танып, бұрын өздері байқай қоймаған немесе мән бермеген тосын да тамаша көріністерге толы суреттерге дән риза болысты.

Аталған көрменің ерекшелігі сол, жергілікті фотосуретшілер бір күн ішінде қарағандылықтар­дың күнделікті өмірі мен қаланың көр­некті жерлеріне жататын ғима­­раттар мен ескерткіштерді, кө­шелер мен гүлзарларды суретке түсірген болатын. Көрмені ұйым­дастырушылар кеншілер аста­насының 85 жылдық датасына орайластырып, әлгі суреттердің ішінен 85 туындыны таңдап алды.

Жалпы, «Рухани жаңғыру» бағдар­ламасы аясында ұйым­дастырылған бұл шара дәстүрлі «Біз – қарағандылықтармыз» фестивалінің бір бөлігіне жатады. Көрмеге қажетті қаражат қалалық бюджеттен мемлекеттік әлеуметтік тапсырыс аясында бөлінді.

– Бұл дегеніңіз бар болғаны біз­дің жерлестеріміздің өмірінен алын­ған бір күн. Мен оны тіпті бы­лай деп те тұжырып айтар едім: егер фото­ап­параттың әрбір кадры – бір секунд­тың алпыстан бір бө­лігі болса, онда бұл көрме бір жа­рым-екі секундтың ішіне сыйып кете­ді. Бірақ осы қас-қағым сәттің өзін­де фото­суретшілер көп нәрсені көр­сете ал­ды. Олардың көзқарасы мен шебер­лі­гінің арқасында көрер­мендер қа­ла­ның өмірін түрлі қы­ры­нан көруге мүмкіндік алды, – дейді TEFAEurasiaphoto шығар­машы­лық бірлестігінің мүшесі Юрий Варыгин.

Аталған көрмені ұйымдастыруға Қарағанды қаласының әкімдігі мен Қарағанды облысының кәсіп­кер­лер қауымдастығы қолдау көр­сетті. Олар сәтті басталған бұл жоба  жыл сайын өтіп тұрса деген тілек айтты. Мысалы, «Біз – қара­ған­ды­лықтармыз» жобасының жетек­шісі, облыстық  кәсіпкерлер қауымдастығы басшыларының бірі Гүлнәр Құрбанбаева көрме­д­егі суреттер арқылы кеншілер астана­сы­ның келбетін басқа қырынан көріп, ерекше әсер алғанын риза­шы­лықпен жеткізді.

– Бұл суреттер арқылы мен Қарағандыны басқа қырынан таныдым. «Тоқтай тұр мезет, сен неткен ғажапсың!» деп бекер айтылмаған ғой. Осы көрмені тамашалаған қарағандылықтар туған қаласын одан әрі сүйе түсетініне сенімдімін. Өз басым «Қарағанды өмірінің бір күні» атты бұл көрменің жыл са­йын өтетін дәстүрлі шараға айналуына қуана дауыс берер едім, – деді ол ағынан жарылып.

«Қарағанды өмірінің бір күні» фотокөрмесі облыстық бейнелеу өнері мұражайында 12 тамызға дейін жалғасады.

 

ҚАРАҒАНДЫ

 

Соңғы жаңалықтар

Барлық мәселе ашық айтылды

Аймақтар • Бүгін, 06:56

Тендерді майшелпек көреді

Саясат • Бүгін, 06:55

Туризм – табыс көзі

Парламент • Бүгін, 06:53

Қиырдағы қайырымды қазақ

Қоғам • Бүгін, 06:45

Музыкалық мәдениет – мектептен

Руханият • Бүгін, 06:36

Азияның үздігі атанды

Ауыр атлетика • Бүгін, 06:30

Күніне бір жақсылық жаса!

Руханият • Бүгін, 06:27

Музей қоры толықты

Руханият • Бүгін, 06:23

Өтініштер партия назарында

Аймақтар • Бүгін, 06:20

Жаңа жолда жүз ақау

Қоғам • Бүгін, 06:17

Алматы, 1921 жыл, 8 маусым

Руханият • Бүгін, 06:12

Жаңа энергия блогы іске қосылады

Экономика • Бүгін, 06:00

Қайран, Құмсай!..

Руханият • Бүгін, 05:31

Солтүстік шұғыласы

Руханият • Бүгін, 05:25

Қашқан сарбаз ұсталды

Қазақстан • Бүгін, 05:05

Бақылау барынша күшейтілді

Саясат • Бүгін, 05:05

Жапон иені: кеше және бүгін

Экономика • Бүгін, 05:05

Жолдама үшін жұдырықтасады

Кәсіпқой бокс • Бүгін, 05:00

Ұқсас жаңалықтар