Аймақтар • 14 Тамыз, 2019

Солтүстік Қазақстанда жанармай құйылған екі көлік жанып кетті

140 рет
көрсетілді
1 мин
оқу үшін

Өңірдегі  шаруашылықтардың бірінде жанармай құйылған автоцистерна өртке оранды.

Солтүстік Қазақстанда жанармай құйылған екі көлік жанып кетті

Қатты желдің салдарынан жалынды сөндіру мүмкін болмаған. Қасындағы жүк көлігі де жанып кеткен.

Облыстық төтенше жағдайлар департаменті баспасөз қызметінің хабарлауынша, өрт Мағжан Жұмабаев ауданы Қарақоға ауылы маңындағы «Жигалов» шаруа қожалығына тиесілі жанармай базасында шыққан. Оқиға орнына Булаев және Петропавл қалаларының өрт сөндірушілері тез жетіп, 9 маман мен 4 техника өртті ауыздықтауға  жұмылдырылған.  Олардың жұмысын қатты жел қиындатып жіберген.

  Өрт шаруашылықтың жанармай базасында КАМАЗ автоцистернасынан дизель отынын ағызу кезінде шыққан көрінед. Қатты жел өртті өршітіп, қасында тұрған ГАЗ – 53 көлігін де шарпыған. Салдарынан екі машина да жанып кеткен. Әйтеуір жанармай сақталған қоймалар аман.

Солтүстік Қазақстан облысы