Спорт • 15 Тамыз, 2019

«БИІК-Қазығұрт» қыздар командасы плей-офф кезеңіне жолдама алды

14 реткөрсетілді

Шымкенттің «БИІК-Қазығұрт» қыздар командасы футбол­дан Чемпиондар лигасының топтық кезеңдегі үшінші іріктеу ойынында Финляндияның ПК-35 командасын жеңіп, турнирдің плей-офф кезеңіне жолдама алды.

Екі команда арасындағы кездесу 13 тамызда Эстонияның Таллин қаласында өтті. Матч 4:1 есебімен шымкенттік команданың жеңісімен аяқталды. Қазақстандық команданың қатарынан Мисози Зулу, Екатерина Бабшук, Рейчел Кундананджи және Мария Илич мергендігімен көзге түсті. Ал қарсылас команданың тарапынан Вера Саастомойнен бір гол соқты.

 Іріктеу кезеңінің үш ойынында жеңіске жеткен «БИІК-Қазығұрт» топтан бірінші орынмен шығып, турнирдің 1/16 финалына жолдама алды. Келесі айналымның жеребе тарту рәсімі Швейцарияның Ньон қаласында 16 тамызда өтеді.

2016 және 2017 жылдары «БИІК-Қазығұрт» Чемпиондар лигасының 1/8 финалына дейін жеткен болатын. Бұл қазақстандық команданың ең үздік нәтижесі. Былтыр Шымкент командасы бәсекенің 1/16 финалында Испанияның «Барселона» клубымен кездесіп, екі ойын қорытындысы бойынша 3:4 (3:1, 0:3) есебімен есе жіберген болатын.

 

Баннер
Соңғы жаңалықтар

Байсал тартқан балалар өлеңі

Әдебиет • Бүгін, 08:30

Күзетшіге мұқтаж елміз

Қоғам • Бүгін, 08:25

Қыңыр кісі – бір жақ...

Аймақтар • Кеше

Айдаһар үңгірі

Аймақтар • Кеше

Ұқсас жаңалықтар