Қазақстан • 20 Тамыз, 2019

Университеттердің бірлескен конференциясы

23 реткөрсетілді

Нұр-Сұлтанда 16-20 тамыз аралығында Гарвард универ­ситеті мен Назарбаев Университет бірлесіп ұйымдастыруымен Азия және Тынық мұхиты елдерінің дәстүрлі HPAIR Азия конференциясын ұйымдастырды. Өзінің 28 жылдық тарихында HPAIR Азия конференциясы Орталық Азияда және ТМД кеңістігінде алғаш рет өткізілуде.

Іс-шараға қатысқан Нұр-Сұлтан қаласы әкімі Алтай Көл­гінов Назарбаев Университет сту­дент­тері мен ұжымын айтулы ша­раны ұйымдастырып отыр­ғанымен құттықтай келіп, Қазақ­станда жас көшбасшылар үшін үлкен мүмкіндіктердің туып отырғанын жеткізді.

«Нұр-Сұлтан – жаңадан салынған жас қала. 90-жылдары елдегі дағдарысқа қарамастан Тұңғыш Президентіміз Нұрсұл­тан Назарбаев елорданы Ал­ма­тыдан Ақмолаға көшірді. Бұл қиын әрі күрделі өзгеріс болатын. Алайда арада 20 жыл өткенде қаламыз күн санап өсіп келе жатқан ірі мегаполиске айналды. Қазір қалаға шетелден мил­лиардтаған инвестиция ағы­лып, тұрғын үйлер мен әлеу­меттік нысандар күн санап салы­нып жатыр. Өзгерістің үл­кені осы емес пе?!», деген қала әкімі мыңжылдықтардағы көш­­пенді тарихымыздың елордада көрініс тапқанын тілге тиек етіп, шетелдік қонақтарды қа­­ланы тамашалауға шақырды.

Қаланың ғана емес, жалпы Қа­зақстанның үлкен өзгеріс­терге ұмтылған жасампаз ел екенін айтқан қала әкімі ел­де әлеуметтік өсу мен мерито­кра­тияға теңдессіз жол ашыл­ғанын жеткізді. «Мысалы, Тұң­ғыш Президент ашқан «Бо­ла­шақ» білім беру стипендия­сы Қазақстандағы кез келген білім­ді және еңбекқұмар жастың әлемдегі ең үздік университеттерде білім алуына мүмкіндік береді. Стипендияның әсіресе, ауыл жастарына бағытталғанын ескерсек, бұл өзгеріске ұмтылу емей немене?», деген А.Көлгінов Назарбаев Университеттің де қазақ жастарына әлемдік дең­гейдегі білім мен тәжірибе ұсы­нып отырғанын жеткізді.

А.Көлгінов кәсіпкерлікпен ай­­налысамын деушілерге арнайы ашылған түрлі бағдарла­ма­ мен гранттың да Қа­зақ­­станда та­лапты жасқа жағдай жа­сал­­ғанының белгісі екенін айтты.

Сонымен қатар ЭКСПО-2017, Астана эко­­номикалық форумы секілді ірі халықаралық ша­ралардың да жас­тарды қанат­тан­дыратынын мә­лімдеді. Ал Президент Қ.То­қаев­тың бастамасымен ашыл­ғалы жатқан 300 адамдық пре­зи­денттік кадрлық резервтің де елді үлкен өз­ге­­ріс­терге жетелейтінін жет­кізді.

Қала әкімінің айтуынша, Ел­басының биылғы жылды Жас­тар жылы деп жариялауы да жаңа буынның болашаққа деген сенімін арттыра түсетіні сөзсіз.

Жыл сайын Азия мен Ты­нық мұхиты елдерінің әр қала­сында өткізілетін шараға биыл әлемнің түкпір-түкпі­рінен 500-ден астам делегат жи­налды. Олардың арасында ха­лық­ара­лық компания басшылары, қоғам қайраткерлері, соның ішінде UNICEF Корея докторы Сонг Сан Хён, Үндістанның бұрын­ғы сыртқы істер министрі Ниру­пама Рао, Таяу Шығыс және Солтүстік Африка нарық­тары бойынша Standard Char­te­red Bank бұрынғы басшысы Дэниэл Ацци, бейбітшілік үшін Нобель сыйлығы иегері Рае Квон Чунг, дүниежүзілік Mc­Kin­sey институтының директоры Джонатан Вотцель, World Bank Group техникалық директоры Лесли Го секілді танымал тұ­л­ға­лар бар.

Соңғы жаңалықтар

Басты ақпарат (28.02.2020)

Видео • Бүгін, 18:36

Шымкентте Алғыс айту күні аталып өтті

Оңтүстік Қазақстан • Бүгін, 15:44

Оралда коронавирус бар ма?

Қоғам • Бүгін, 15:36

Көшпелі көрмемен танысты

Абай • Бүгін, 12:57

Абай – ұлттың ұстазы

Абай • Бүгін, 12:44

Ауыр сынақ, қиын сұрақ

Аймақтар • Бүгін, 12:15

Бейбіт жиын қандай болуы керек?

Аймақтар • Бүгін, 11:28

Түркістан облысында су тасқыны қаупі жоқ

Оңтүстік Қазақстан • Бүгін, 11:20

Ұқсас жаңалықтар