Аймақтар • 20 Тамыз, 2019

Қостанай жоғарғы оқу орындары полицияға кадрлар даярлайтын болады

58 реткөрсетілді

Қостанай облысының полиция департаменті мен 6 ірі ЖОО арасында өзара ынтымақтастық туралы Меморандумға қол қойылды. Бұл жөнінде облыстық полиция департаментінің баспасөз қызметі хабарлады.

Полиция департаменті бастығының орынбасары полиция полковнигі Ардақ Ынтықбаевтың айтуынша, құжат облыстың оқу орындары мен Ішкі істер министрлігі арасындағы ғылыми ынтымақтастықты реттемек.

«Ағымдағы жылдың 1 шілдесінен бастап патрульдік полиция қызметкерлеріне жалақы 65 пайызға, жедел қызметтерге 55 пайызға өсті. Сондай-ақ тұрғын үйді жалға алу үшін 20 мың теңгеден 50 мың теңгеге дейін өтемақы қарастырылған. Сонымен қатар, полиция қызметкерлері мен олардың отбасы мүшелеріне, құқық қорғау органдарының ардагерлеріне тегін медициналық қызмет көрсетіледі», деді полиция полковнигі.

Құжатқа «2019-2021 жылдарға арналған ішкі істер органдарын жаңғырту жөніндегі Жол картасын» жүзеге асыру шеңберінде қол қойылды, жұртшылықпен тиімді өзара іс-қимыл, халықпен жұмыстың жаңа форматы, құқық қорғау органдарының кадрларын іріктеу және даярлау ондағы басым бағыттардың бірі  болып табылады.

«Біз меморандум аясында біз ЖОО-ның студенттерін жұмысқа орналастыру және тәжірибеден өту туралы нақты келісімдерге қол жеткіздік. Ынтымақтастық шеңберінде біз оқу жоспарларын түзетіп, жұмыс берушінің тілектерін ескереміз. Жыл сайын екі мыңнан астам заңгер даярлаймыз және бұл бағыт есептік мекемеде аса талап етілген», деді Челябі мемлекеттік университетінің Қостанай филиалы директорының орынбасары Наталья Нализко. Бұдан әрі меморандумның міндеттерін іске асыру үшін бірлескен іс-шаралар жоспары жасалады.

 

Қостанай

Соңғы жаңалықтар

Басты ақпарат (28.02.2020)

Видео • Бүгін, 18:36

Шымкентте Алғыс айту күні аталып өтті

Оңтүстік Қазақстан • Бүгін, 15:44

Оралда коронавирус бар ма?

Қоғам • Бүгін, 15:36

Көшпелі көрмемен танысты

Абай • Бүгін, 12:57

Абай – ұлттың ұстазы

Абай • Бүгін, 12:44

Ауыр сынақ, қиын сұрақ

Аймақтар • Бүгін, 12:15

Бейбіт жиын қандай болуы керек?

Аймақтар • Бүгін, 11:28

Түркістан облысында су тасқыны қаупі жоқ

Оңтүстік Қазақстан • Бүгін, 11:20

Ұқсас жаңалықтар