Нәзира ЖӘРІМБЕТ«Egemen Qazaqstan»
343 материал табылды

Қоғам • 14 Қыркүйек, 2020

Ұлтын сүйгендер үлкен іс тындырады

Әңгімені көзіміз көрген жарқын істен, жақсы мысалдан бастайық. Әдіс Тәшенов пен Бибігүл Бейсембаеваның мектеп жасындағы төрт баласын ертіп, Талдықорғаннан Қостанай облысының Сарыкөл ауданындағы Сорочинка селосына қоныс аударғанына бір айдан енді ғана асты. Үлкен үш баласы студент, Талдықорғанда оқиды. Бір-екі төсек жаймасын, киім-кешегін ғана алып, пойызбен жетіпті. Олар Сорочинкаға келгенде сыры кеппеген төрт бөлмелі үй дайын тұрған еді. Ертеңіне отағасы Әдіс жергілікті «Агро парасат» жауапкершілігі шектеулі серіктестігіне жүргізуші болып орналасты, ал Бибігүлдің жұмысы жолға шығарда-ақ шешіліп қойған еді. Мұндағы орыс мектебіне қазақ тілі маманы керек болатын. Мұғалім келе жатыр дегенде мұндағы мектеп ұжымы мен ауылдағы ата-аналар ерекше қуаныпты.

Руханият • 04 Қыркүйек, 2020

Өткірдің жүзі

Әр өңірде ұйқысын аша алмай отырған баладан да сұрасаң, жаңылмай айтып беретін, ісі де, өзі де жұрт алдында жарқырап көрінетін аймаңдай кісілер болады. Тобыл-Торғай өңіріндегі сондай топтың ортасынан айрықша орын алатын Михаил Дәуенов 1985 жылы Мемлекеттік қауіпсіздік комитетінің Қостанай облыстық басқармасы бастығының бірінші орынбасары болып қызметке келген еді. Ол «үндемейтін» мекеме басшысының бірі болып, тоң-теріс қалған жоқ, жұрт алдында екі тілде сөйлеп кетсе шешендігіне таңырқатты, облыс өміріне етене араласты. Айналасына талапшыл Дәуенов үшін істің ұсақ-түйегі болмайтын. Ол өзін алдымен бастық емес, чекист деп білетін.

Қоғам • 03 Маусым, 2020

Тастүйін

Еліміздегі өңдеу өнеркәсібінің қуатты саласы «АгромашХолдингKZ» және «СарыАрқаАвтоПром» машина жасау зауыттарына Үкімет басшылары, министрлер, шетелдік қонақтар жиі ат басын бұрады. Сонда зауыт басшылары – ер азаматтардың арасында қазақтың тастүйін, алмастай өткір қара қызы жүреді. Және де зауыт жағдайын, шығарған өнімдері мен экономикалық мәселелер жөнінде көбіне сол қыз айтып береді.

Қоғам • 12 Мамыр, 2020

Құрсақтағы бала қай елдің азаматы болады?

Ойланып көріңізші, анасының құрсағындағы бала қай елдің азаматы болуы тиіс? Бұл Өзбекстаннан атамекенге келіп, Рудный қаласының әкімшілік аумағына қарайтын Қашар кентін қоныс еткен Телібаевтар отбасының бас ауруына айналған мәселе болып тұр. Осы «бас аурудан» Ерекең не күлерін, не жыларын білмейді. Ерлан Телібаевтың тұңғышы Айтымбек биыл ақпан айының 18-і күні 16 жасқа толды.

Тарих • 29 Сәуір, 2020

«Ескеріп, тастамаңыз дұғаңыздан...»

Оқимын деген талапты жасқа қай уақытта да кедергі жоқ. Торғайдың тумасы Жақсылық Жүнісов ақсақал жас кезінде білім қуып, 1968 жылы сонау Ресейдегі Волгоград ауыл шаруашылығы институтынан бір-ақ шығады. Білім ордасындағы зооинженерия факультетіне түсіп, мамандық меңгереді. 1967 жылы Волгоградтың шетіне таман Сталинград шайқасында қаза болған жауынгерлерге арналған, ерлікке тағзымдай Мамай қорғаны мемориалдық ескерткіш-кешені ашылған болатын. Қазақ жастары жиналып, оған гүл шоқтарын қойып жүрді. Ескерткіш-кешендегі қара мәрмәр плиталарға жазылған боздақтар ныспысының әр үш-төртеуінен кейін қазақтың аты-жөні шығады. Қара жамылған әйелдей суық қара мәрмәрдан әр қазақтың аты-жөнін оқыған сайын Жақсылықтың құлағына ауылындағы ағайындардың «ой, бауырымдаған» ащы дауысы келгендей болатын.

Өнер • 16 Сәуір, 2020

Бисермен өрілген сұлулық

Сұлулықты, көркем дүниені жан азығы деп білетін қостанайлық көрермендерге мұндағы суретшілердің, мүсіншілердің аты ғана емес, олардың қолтаңбасы, техникалық әдістері мен мәнері, жанры да таныс.

Аймақтар • 13 Сәуір, 2020

Белгілі ақынның бесіктері

Биыл сәуір айы басталған күні белгілі ақын, ғалым Серікбай Оспанов 75 жасқа толды. Бір қолын шығанақтан жаудың оғы ұшырған майдангердің ұлы ғой. Жеңіспен құрдас екен.

Таным • 27 Ақпан, 2020

Сазгердің «Мәңгі көктемі»

Рудный қалалық тарихи-өлкетану мұражайында өткен сазгер Қайрат Нұрға­зинге деген сағынышқа толы ерекше ән кеші «Мәң­гілік көктем» деп атал­ды. Рудный қаласы десе, бүгінде жұрттың есіне кенмен жағаласа ән түсер еді.

Аймақтар • 11 Қаңтар, 2020

Герасимов көшесі

Өтіп бара жатқан жылы Қостанай қаласындағы «Әуежай» жаңа шағын тұрғын ауданындағы көшеге Дмитрий Герасимов есімі жұртшылық сұрауымен берілді. Герасимов деген жазушының, батырдың, тағы сондай бір үлкен тарихи тұлғаның ныспысы емес. Ол осыдан жыл тәулігі бұрын ғана облыстық балалар ауруханасындағы дәрігер болатын, травматология және ортопедия бөлімшесін басқарды.

Аймақтар • 10 Қаңтар, 2020

Қасқа жолдағы Қарабалық кемпингі ауылдағыларға жұмыс беріп отыр

Қазір Қарабалық ауданын тек Қазақстан емес, одан тысқары жерлер де біліп қалды десек, артық кете қоймаспыз. Осыдан бақандай бес жыл бұрын бой көтерген кемпинг сонау Алатаудан басталып, Арқаны басып өтіп, Ресейдің ішкі жағына дейін созылатын Алматы – Екатеринбург тас жолымен жүретін жолаушылардың есіне алдымен Қарабалықты түсіреді.