Үкімет • 20 Тамыз, 2019

А. Мамин АҚШ мемхатшысының орынбасары Д. Хэйлмен сауда-экономикалық мәселелерді талқылады

43 реткөрсетілді

Премьер-Министр Асқар Мамин Нұр-Сұлтан қаласына Орталық Азия мен АҚШ елдері арасындағы диалогты дамыту жөніндегі «С5+1» отырысына қатысуға ресми сапармен келген АҚШ мемлекеттік хатшысының саяси мәселелер жөніндегі орынбасары Дэвид Хэйлмен келіссөздер өткізді. Бұл туралы primeminister.kz хабарлады. 

Тараптар 2018 жылы АҚШ-қа ресми сапар аясында ҚР Тұңғыш Президенті – Елбасы Нұрсұлтан Назарбаев пен АҚШ Президенті Дональд Трамп арасында қол жеткізілген уағдаластықтарды іске асырудың маңыздылығын атап өтті.  

Келіссөздер барысында екіжақты сауда-экономикалық және инвестициялық ынтымақтастықты дамытудың өзекті мәселелері талқыланды. АҚШ — Қазақстан экономикасының ірі инвесторларының бірі. 2005 жылдан 2018 жыл аралығында АҚШ-тан Қазақстанға тікелей инвестициялардың жалпы ағыны $40 млрд құрады. Өткен жылдың қорытындысы бойынша ҚР-ға америкалық инвестициялар жаңа рекорд орнатып, $5,3 млрд құрады. Биылғы қаңтар–маусым аралығында екі ел арасындағы тауар айналымы $1,1 млрд құрады, бұл өткен жылдың сәйкес кезеңіндегі көрсеткіштен 31,8% жоғары. 

Дэвид Хэйл Қазақстанның АҚШ инвесторлары үшін тартымдылығын атап өтті.

«Бізде экономикалық қатынастарды дамытудың үлкен әлеуеті бар», — деп Асқар Мамин, елдердің энергетика, ауыл шаруашылығы, денсаулық сақтау, ақпараттық технологиялар, логистика, туризм, авиағарыш өнеркәсібі салаларында өзара тиімді ынтымақтастықты тереңдете түсудің перспективаларын атап өтті. — Сіздің елімізге ресми сапарыңыз елдердің өзара іс-қимылын нығайтуға елеулі серпін береріне сенімдімін».  

Соңғы жаңалықтар

Басты ақпарат (28.02.2020)

Видео • Бүгін, 18:36

Шымкентте Алғыс айту күні аталып өтті

Оңтүстік Қазақстан • Бүгін, 15:44

Оралда коронавирус бар ма?

Қоғам • Бүгін, 15:36

Көшпелі көрмемен танысты

Абай • Бүгін, 12:57

Абай – ұлттың ұстазы

Абай • Бүгін, 12:44

Ауыр сынақ, қиын сұрақ

Аймақтар • Бүгін, 12:15

Бейбіт жиын қандай болуы керек?

Аймақтар • Бүгін, 11:28

Түркістан облысында су тасқыны қаупі жоқ

Оңтүстік Қазақстан • Бүгін, 11:20

Ұқсас жаңалықтар