Қоғам • 22 Тамыз, 2019

Қытайда қазақстандық ғалымның кітабы жарыққа шықты

51 реткөрсетілді

Әлемдегі ең ірі Пекин халықаралық кітап көрмесінде әл-Фараби атындағы ҚазҰУ ректоры, академик Ғалым Мұтановтың «Экономикалық жоспарлау, басқару және бюджеттеудің математикалық әдістері мен модельдері» атты кітабының қытай тілінде тұсау кесері өтті. Монография Жэньминь университетіндегі ҚХР-дің жетекші баспасында жарық көрді.

Бұл шараға ҚКП ОК-нің насихаттау бөлімінің вице-министрі Цзян Цзяньго, Жэньминь университетінің ректоры Лю Вэй, ҚХР-дағы ҚР Елшілігінің бірінші хатшысы Қаламқас Дүзбаева, ҚазҰУ ректоры Ғалым Мұтанов, белгілі ғалымдар мен мамандар қатысты.

«Біз профессор Ғалым Мұтановты Қазақстанның жетекші жоғары оқу орнының басшысы ретінде ғана емес, әлемге танымал ірі ғалым ретінде де білеміз. Бүгін таныстырылып отырған оның ғылыми еңбегі бірнеше тілде басылып, халықаралық деңгейде жоғары баға алған. Енді бұл кітап қытай тілінде жарық көріп отыр. Оның зерттеуінің өзектілігі, инновациялық тәсілі және көп қырлылығы ғылыми қоғамдастық үшін ғана емес, сонымен қатар Қытайдың практиктері мен басшылары үшін де сөзсіз үлкен қызығушылық тудырады», – деп атап өтті Жэньминь университетінің ректоры Лю Вэй. Қазақстандық ғалымға ғылыми жетістіктерінің танылуының белгісі ретіде сертификат табысталды.

Айта кету керек, бұл монография бір кездері экономика саласындағы Нобель сыйлығының лауреаты Джон Нэштің жоғары бағасына ие болған, ол зерттеу нәтижелерін Нобель сыйлығының тағы екі лауреаты Кристофер Симс пен Гарольд Кунның жұмыстарымен салыстырған. Бұған дейін ол әлемдегі ең ірі «Springer Nature» баспасында жарық көріп, ең көп сұранысқа ие кітаптар қатарына кірген. Оны электронды түрде 15 мыңға жуық пайдаланушы жүктеген, бұл ең үздік көрсеткіштердің бірі. Сонымен қатар Ғ. Мұтановтың ғылыми еңбегі Web of Science Core Collection жетекші ғылыми жарияланымдарының беделді халықаралық базасына енгізілді.

1986 жылдан бері өткізіліп келе жатқан Пекин халықаралық кітап көрмесі бүгінде баспа және полиграфиялық индустрия саласындағы жетекші платформаға айналды. Биыл оның жұмысына әлемнің 100 елінен 2,5 мыңнан астам экспонент қатысуда

Көрмеде әл-Фараби атындағы ҚазҰУ-дың «Қазақ университеті» баспа үйі тарапынан назарға ұсынылған университет ғалымдарының 300-ден аса ғылыми еңбектері көпшіліктің үлкен қызығушылығын тудырды.

 

 

АЛМАТЫ

Баннер
Соңғы жаңалықтар

Импорттан не ұттық?

Экономика • Кеше

Лисаковтың «Бәйтерегі»

Аймақтар • 20 Қыркүйек, 2019

Гобелен – текті өнердің туындысы

Руханият • 20 Қыркүйек, 2019

«Мәдени қабат» жойылған жоқ

Қоғам • 20 Қыркүйек, 2019

Шахмардан тербелген талбесік

Руханият • 20 Қыркүйек, 2019

«Жоғалмайсың, жоқтаушы халқың барда...»

Руханият • 20 Қыркүйек, 2019

Аймақтың экспорттық мүмкіндігі артуда

Аймақтар • 20 Қыркүйек, 2019

Көк айдында көршілер жаттығуда

Аймақтар • 20 Қыркүйек, 2019

Банктер артық ақшаны жасырып отыр ма?

Экономика • 20 Қыркүйек, 2019

Бұқара қамын ойлаған басшы

Қоғам • 20 Қыркүйек, 2019

Оқу мәдениеті

Қоғам • 20 Қыркүйек, 2019

Өзбек туризмі ояна бастады

Қоғам • 20 Қыркүйек, 2019

Алаштың айбоз абызы

Руханият • 20 Қыркүйек, 2019

Сотты жетілдіру мәселесі талқыланды

Парламент • 20 Қыркүйек, 2019

Қазақстан – Қытай: жаңа кезең

Саясат • 20 Қыркүйек, 2019

Қыста қысылмаймыз ба?

Қоғам • 20 Қыркүйек, 2019

Несие аз, жабылған кәсіпорындар көп

Экономика • 20 Қыркүйек, 2019

Халық пікіріне құрмет

Саясат • 20 Қыркүйек, 2019

Әңгіме өзегі – әдебиеттің ертеңі

Руханият • 20 Қыркүйек, 2019

Ұқсас жаңалықтар