Оқиға 16 тамыз күні Алматы маңында дельтопланнан өткен спорттық жарыс кезінде болған екен. Ұшу-жаттығу барысында Микай мырзаның денсаулығы сыр беріп, жедел түрде жергілікті дәрігерлердің көмегіне жүгінуге тура келген. «Жедел көмек» желісі бойынша тіркелген қоңыраудан кейін облыстық ауруханың «Жедел жәрдем» бригадасы науқасқа шұғыл көмек көрсетті.
- Ағылшын елінің азаматына алғашқы медициналық жәрдем көрсетілген кейін, оны аурухана жатқызып тексеру жасадық. Мамандар Джордж Микайдың дене жарақатынан бөлек, науқастың жүрегі ауырғанын анықтады. Шетелдікке миокард инфаркті деген диагноз қойылды. Мұндай жағдай шұғыл ота жасау керек. Біздің дәрігерлер британдық әріптестерімен байланысып, операция жасауға келісті. Нәтижесінде Микай мырзаның өміріне төнген қауіп сейілді, - дейді Алматы облыстық денсаулық сақтау басқармасының басшысы Бауыржан Ысқақ.
Қазір туған топырағына арнайы ұшақпен жеткізілген Джордж Микайдың денсаулығы оңалып келеді екен. Паддингтон клиникасының дәрігерлері науқасты толық тексеруден өткізіп, қазақстандық дәрігерлердің дер кезінде жедел жәрдем көрсетіп, сәтті ота жасағанына жоғары баға беріпті. Мамандар тіпті Микай мырзаға жарты жылдан кейін сүйікті ісіне қайта оралып, дельтопланмен ұшуға болатындығын айтқан көрінеді. Ал Алматы облысының дәрігерлеріне риза болған ол арнайы алғыс хаты жолдапты.
Алматы облысы
