«Өткен аптада ғана облыста этникалық театрлар фестивалі өткен еді, енді түркі жұрты өнерінің фестивалін тамашалап отырмыз. Фестиваль Елбасының «Рухани жаңғыру» бағдарламасы аясында өтіп отыр. Нұрсұлтан Назарбаев тағы да өзінің «Ұлы даланың жеті қыры» мақаласында қазақ даласын түркі халықтарының тал бесігі деп ерекше атаған болатын. Түркі өнерінің қауышуы бәрімізге де мереке», деді Ерлан Болатұлы.
Фестивальде ансамбльдер мен оркестрлер негізінен көне сарындағы халық музыкасын, халық және композиторлар әндерін орындады. Фестиваль Е.Өмірзақов атындағы облыстық филармонияның жаңа залында өтуде.
Қостанайлықтар екі күнге созылған өнер бәйгесінің бүгін қорытынды концертін тамашалайды.
ҚОСТАНАЙ
