Саясат • 13 Қыркүйек, 2019

Сенатта мүмкіндігі шектеулі жандардың құқықтары мен өмір сапасын жақсарту жайы талқыланды

27 реткөрсетілді

Сенатта  мүгедектікке ұшыраған адамдардың құқықтарын қамтамасыз ету және өмір сүру сапасын жақсарту жөніндегі жұмыс тобының алғашқы отырысы болды. Жұмыс тобы Сенат Төрағасы Дариға Назарбаеваның тапсырмасы бойынша құрылған болатын. Бұл туралы Парламент Сенатының баспасөз қызметі хабарлады.

Оның құрамына Сенат депутаттары, жауапты министрліктер мен үкіметтік емес ұйымдардың өкілдері қатысты. Жұмыс тобына Батыс Қазақстан облысынан сайланған сенатор Нариман Төреғалиев жетекшілік етеді.

Отырысқа қатысушылардың айтуынша, кейінгі кезде жұмыс берушілердің тарапынан мүгедектікке ұшыраған азаматтардың қызметін төмендетіп, жалақысын азайту көріністері белең алуда. Сондықтан, қолданыстағы заңдардағы жұмыс берушілерге қатысты ережелерді қатаңдату қажет болып отыр.

Мүмкіндігі шектеулі адамдарға жәрдемдесетін әлеуметтік қызметкерлер мәртебесін көтеру жайы да талқыланды. Әлеуметтік қызметкерлерді жалақысы мен білім деңгейі төмен әрі тұрмыстық жұмыстарды атқарушылар ретінде қабылдайтыны туралы айтылды. Үкіметтік емес ұйым өкілдері олардың мәртебесін заң жүзінде көтеруді, біліктілігін арттыруды және жалақыларын қайта қарауды ұсынды.

«Бізде мүмкіндігі шектеулі адамдардың құқықтары мен өмір сүру сапасын жақсартуға бағытталған көптеген заңдар бар. Алайда олардың орындалуы ойдағыдай емес. Әсіресе, жауапты органдар тарапынан осы мәселені ескермей келе жатқаны байқалып отыр. Біз барлық ұсыныстар мен бастамаларды жинақтап, тиісті органдарға құжаттар топтамасын әзірлейтін боламыз», - деді сенатор Нариман Төреғалиев.

Нариман Төреғалиев жұмыс тобы биылғы 30 қарашаға дейін жұмыс істейтінін атап өтті. Мүмкіндігі шектеулі азаматтардың құқықтары мен өмір сүру сапасын жақсарту жөніндегі ұсыныстарды Turegaliyev@parlam.kzAmanbayuly@parlam.kz  электрондық поштасына жіберуге болады. 

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар