Алқа отырысында Мемлекет басшысының 2019 жылғы 2 қыркүйектегі Қазақстан халқына Жолдауының негізгі ережелерін іске асыру мәселелері қаралды.
Атап айтқанда, еліміздің аймақтарындағы емдеу ұйымдарының инфрақұрылымын дамыту және материалдық-техникалық қамтамасыз ету мәселелері, міндетті әлеуметтік медициналық сақтандыруды енгізуге дайындық және өлім-жітімді азайту жөніндегі шаралар қаралды.
Отырыс барысында сенатор Серік Бектұрғанов сөз сөйледі. Сенатор денсаулық сақтау саласындағы мемлекеттік-жеке меншік әріптестік тетігін дамыту мәселелеріне, сондай-ақ міндетті әлеуметтік медициналық сақтандыруға көшу барысындағы ықтимал қатерлерге тоқталды.
