Аймақтар • 19 Қыркүйек, 2019

Берекелі ауыл – Айнабұлақ

232 реткөрсетілді

Елордамыздан мың жарым шақырымға жуық жерде Айнабұлақ дейтін кішігірім ауыл бар. Шығыс Қазақстан облысы Зайсан ауданына қарасты екі мыңға жуық халқы бар бұл мекен аудан орталығының солтүстік-шығысына қарай он шақырымдық жерде орналасқан.

Атына заты сай осы ауылдың тұрғындары көңілдері таза, пейілдері кең, қызға қырық үйден тыйым, шарапсыз жиын жасайтын берекелі ауылға айналған. Айнабұлақта жақында «Ауыл күні» атап өтілді. Аталған іс-шара қарашаңырақ – ауылдан түлеп ұшқан, сөйтіп арман қуып, мақсат көздеп жан-жаққа кеткен түлектердің басын қосып, ортақ мүддеге жұмылдырып, сол арқылы өскелең ұрпаққа үлгі болу үшін жасалған еді. Идеяны ұсынып, оның жүзеге асуына тікелей мұрындық болған Кенжеғали Мәсенов есім­ді азаматымызды бүкіл ауыл тұрғындары қолдап, ортақ қа­занға қаражат құйып, оған ауыл жолдарын жөндеу, тозығы жеткен зират қор­шауын жаңалау сынды жұмыстарды бір үйдің баласын­дай береке-бірлікте, аса белсенділікпен атқарды. «Жұ­мыла көтерген жүк жеңіл» екенін көрсетті. Іс-шара соңы дүбірлі тойға ұласты.

Ауылдың көркеюі – еліміздің көркеюі деп білу керек. Себебі бүкіл қазақы болмыс пен ұлт­тық құндылық осы ауылдан басталады. «Ел боламын десең – бесігіңді түзе» деген дана хал­қымыз. Өсіп келе жатқан жас буынға Отанды сүюді, туған жер­ді, туған елді қадірлеуді сөзбен емес, осындай нақты іс­термен көрсете білгенге не жетсін?!

 

Кенжегүл Тергембаева,

журналист

Соңғы жаңалықтар

? (Сұрақ белгісі) Поэма

Әдебиет • Кеше

Цензурасыз Абай

Руханият • Кеше

Ұқсас жаңалықтар