Суретті түсірген − Ерлан ОМАР, «Egemen Qazaqstan»
Министрлік бұл тәсіл ақпараттық жүйелерге түсетін жүктемені азайтып, ата-аналарға өтініш беру үдерісін барынша қолайлы ұйымдастыруға мүмкіндік беретінін атап өтті.
Құжаттарды электрондық үкімет порталында тіркелу арқылы OQU платформасы арқылы онлайн тапсыруға болады. Сондай-ақ ата-аналар білім беру ұйымдарына тікелей барып, құжат өткізе алады.
ҰБТ-2026 және 1 сыныпқа қабылдау: 1 мамырдан бастап Қазақстанда не өзгереді?
Өңірлер бойынша қабылдау мерзімі төмендегідей бөлінген:
27 мамыр – 31 тамыз:
Астана қаласы, Абай, Жетісу, Қызылорда және Батыс Қазақстан облыстары.
10 маусым – 31 тамыз:
Алматы қаласы, Ақмола, Ақтөбе, Жамбыл және Шығыс Қазақстан облыстары.
18 маусым – 31 тамыз:
Шымкент қаласы, Алматы, Қостанай, Павлодар және Атырау облыстары.
29 маусым – 31 тамыз:
Түркістан, Маңғыстау, Қарағанды, Солтүстік Қазақстан және Ұлытау облыстары.
Бұған дейін 1-сыныпқа қабылдау бойынша қанатқақты жоба іске қосылғаны туралы хабарлағанбыз.
