Президент • 19 Қыркүйек, 2019

Тиімді әрі батыл қадамдар жасалды

44 реткөрсетілді

Жаңа сайланған Мемлекет басшысының немесе Үкімет қызметінің алғашқы 100 күнін қорытындылау көптеген Батыс елдерінде, әсіресе АҚШ-та кең таралған тәжірибе.

Атап айтқанда, мұндай шолулар ХХ ғасырдың 30-жылдары Ф.Рузвельттің президенттік ке­зінде АҚШ «Ұлы дағдарысты» бас­тан кешірген уақытта қалып­тасты. Рузвельт Ақ үйге келісімен дағ­дарысқа қарсы бірқатар шұ­­ғыл шараларға мұрындық бо­­лып, 100 күннің ішінде 15 заң­намалық акт қабылдаған бо­латын. Дағдарысқа қарсы ба­ғыт­­тал­ған бұл шаралар әйгілі «Жаңа бағыт» бағдарламасының негі­зін қалап, кейінгі жылдары Ф.Рузвельттің америкалықтар ара­сын­дағы жоғары абыройы мен беде­лінің басты себебіне айналды. Міне, осыдан кейін прези­денттіктің алғашқы 100 күндігі жаңа сайланған әкімшіліктің тиім­­ділігін таразылайтын тетігі ре­тін­де қарастырылады.

Егер осы тұрғыдан қарасақ, онда Қазақстанның жаңа Пре­зи­денті қоғамдағы жүйелі мәсе­­ле­лерді шешуде бірқатар тиім­ді әрі батыл қадамдар жасап үлгергенін айтуымызға болады.

Біріншіден, қызметіне кіріс­кен алғашқы сәттерінен-ақ жаңа Президент билік пен қоғам ара­сын­­дағы тікелей байланыс құ­ру қажеттілігін анық байқатты.

Мем­лекет басшысы лауа­­зы­мын­дағы бірінші күндерінен бас­тап Қасым-Жомарт Тоқаев аза­мат­тық қоғаммен тікелей диалог орна­­туға ниетті екенін жалпақ жұрт­­қа жария етті. Осы ретте Қ.Тоқа­евтың алғашқы іргелі бас­та­­­ма­ларының бірі ретінде Ұлт­тық қоғамдық сенім кеңесін құру ту­ра­лы ұсынысын ерекше атап өткен жөн. Бұл бастама мемле­кет дамуының ең өзекті мәселе­лері бойынша қоғаммен тікелей сұхбат орнату үшін аса маңызды.

Екін­шіден, Арыс қала­сын­да­ғы төтенше оқиға кезінде Қ.Тоқаев әкімшілігінің тиімді әрекеттерін атап өткеніміз жөн. Биліктің шұ­ғыл әрі тиімді қадамдары мен барша отандастарымыздың бел­­сенді атсалысуы арқасында қыс­қа мерзім ішінде қаланы қал­пы­на келтіру жұмыстары сәтті аяқ­тал­ған болатын.

Бұдан бөлек, жаңа Прези­дент­тің алғашқы қадамдарын баға­лаған кезде, саяси билік транзи­тінің қалыпты өтуінің маңыз­ды­лығын ескергеніміз жөн. Биліктің заңды және өрке­ниетті жолмен ауысуы – бүкіл саяси жүйе тұрақ­тылығының басты көрсеткіш­терінің бірі екенін ұмытпауымыз қажет. Әсіресе Қазақстан сияқты жас мемлекет үшін өзектілігі жо­ғары мәселе. Осы тұрғыда Қа­зақ­­станның болашағы үшін Ел­ба­­сының стратегиялық бағы­ты­ның сабақтастығын сақтап, тұрақ­­тылығын қамтамасыз ету өте маңызды.

Мұның айқын үлгісі ретінде Пре­зиденттің Қазақстан хал­қы­­на Жолдауын атап өтуге болады. Жолдаудағы басым­дық­тар Елбасы Н.Назар­­баевтың мем­­­­лекеттік ба­ғы­­тымен біте қай­­­­насқан. Бұлар – тиімді әрі ашық үкіметті қалып­­тас­ты­ру, ШОБ-ты қолдау және ши­кі­­­заттық емес экспортты ын­та­­­лан­дыру, агроөнеркәсіп кеше­нін, әлеуметтік саланы және аймақтарды дамыту және т.б.

Тағы бір маңызды көр­сет­кіш – сыртқы саясаттағы сабақ­тастықты сақтау. Ол Қазақ­станның халықаралық абыройы үшін үлкен маңызға ие. Егер Қ.Тоқаевтың алғашқы сыртқы саяси қадамдарына көз жіберетін болсақ, олардың тәуелсіздік жыл­дарында қалыптасқан көпвек­торлы сыртқы саясатының негізгі басымдықтарымен тығыз байланыста екенін көруге болады.

 

Ержан САЛТЫБАЕВ,

Қазақстанның Тұңғыш Президенті – Елбасы Қоры жанындағы Әлемдік
экономика және саясат институтының директоры

 

Соңғы жаңалықтар

Ең қысқа әңгіме. Төреғали Тәшенов

Ең қысқа әңгіме • Кеше

Ең қысқа әңгіме. Құдияр Біләл

Ең қысқа әңгіме • Кеше

Ең қысқа әңгіме. Мади Сырымбетов

Ең қысқа әңгіме • Кеше

Ең қысқа әңгіме. Қойшыбек Мүбарак

Ең қысқа әңгіме • Кеше

Ең қысқа әңгіме. Жәудір Нартай

Ең қысқа әңгіме • Кеше

Ең қысқа әңгіме. Әлібек Байбол

Ең қысқа әңгіме • Кеше

Ең қысқа әңгіме. Болат Шарахымбай

Ең қысқа әңгіме • Кеше

Ең қысқа әңгіме. Асхат Өмірбаев

Ең қысқа әңгіме • Кеше

Күлкі керуені № 5

Руханият • Кеше

Меценаттың мырзалығы

Аймақтар • Кеше

Жазудың машақаты

Қоғам • Кеше

Әлемнің Әбдіжәмілі

Қазақстан • Кеше

Нан болса, ән болады

Қазақстан • Кеше

Белсене қатысу қажет

Қазақстан • Кеше

Ұқсас жаңалықтар