Аймақтар • 19 Қыркүйек, 2019

Шәмші әндері Түркістан төрінде шарықтады

461 рет
көрсетілді
1 мин
оқу үшін

«Менің Қазақстаным» ән байқауы биыл Түркістан қаласында алғаш рет өтті. Жалпы осымен 23 рет ұйымдастырылып отырған дәстүрлі байқаудың биылғы ерекшелігі, қатысушы үміткерлер ұлы композитор, қазақ вальсінің королі Шәмші Қалдаяқовтың кез келген әнін орындап, оны әлеуметтік желіге жариялау арқылы дауыс жинады. Көпшіліктің қолдауына ие болғандар ақтық кезеңге жолдама алды.

Шәмші әндері Түркістан төрінде шарықтады

Ұйымдастырушылардың пі­кірінше, онлайн ірік­­­теу шал­ғайдағы ел­ді ме­­­­кендердегі нағыз д­а­рын­­дар­ды анықтауға мүм­кіндік берген.

Сөйтіп ақтық кезеңге жол­дама алған 22 үміткер Шәмші әндерін үлкен сахнада шырқау мүмкіндігіне ие болды. Әншілердің өнерін композитор, шәмшітанушы Қалдыбек Құрманәлі төр­ағалық еткен қазылар ал­қа­сы бағалады. Байқау қо­ры­тындысы бойынша бас жүлдені Түркістан облыстық опера және балет театрының жанынан құрылған «Арбат» квартеті жеңіп алды. Бас жүлде иегеріне 400 000 теңге табысталды. Бірінші орынға Отырар ауданынан Шоқан Теңлібаев, екінші орынға ордабасылық Әмір Бекзат, үшінші орынға шар­даралық Динара Ізғали ла­йық деп танылды.

Сондай-ақ бірқатар бай­­қау қатысушылары Түр­кістан облысы әкімінің, «Ме­­нің Қазақстаным», «Ақ­сұңқарым», «Бәрінен де сен сұлу», «Ең жас орындаушы» арнайы жүлделеріне ие болды. Байқау жеңімпаздары мен барлық қатысушылар ақшалай сыйлықтармен және арнайы дипломдармен марапатталды.

 

Түркістан облысы

 

Соңғы жаңалықтар

Су үнемдейтін қондырғы

Технология • Кеше