Аймақтар • 19 Қыркүйек, 2019

Оңды қыз Ольга

33 реткөрсетілді

Ольга Гонтарёва – он саусағынан өнер тамған шебер қыз. Ол Қарағандыдағы техника-құрылыс колледжінде оқиды. Оқуын бітіргенде ол техник, дизайнер, реставратор мамандықтарын алып шығады.

Жақында талапты қыз өзінің жеке ісін ашып, болашақ бизнесінің іргетасын қала­ды. Ольга жеке кәсіпкер ретінде тірке­лудің соншалықты қиынға түспегенін айтады.

– Жасаған бұйымдарымды таныстарыма сатамын. Кейде «сарафан радиосы» арқылы мені тауып алып, заттар сатып алатын оқи­ғалар да болып тұрады, – дейді Ольга.

Ольга Гонтарёваны оның колледждегі жетекшісі Дәмелі Кенжебаева орынды мақ­тан етеді.

– Ольга – өз ісіне үлкен жауапкершілікпен қарайтын студент. Таңдап алған кәсібін жан-тәнімен сүйеді. Ол шынында да өнерлі қыз: сурет те салады, ағаштан ойып бұйым да жасайды, бір сөзбен айтқанда қолынан кел­мейтіні жоқ. Болашақта ол бастаған істің та­бысты боларына күмәнім жоқ, – дейді ұстаз.

Оқуда озат Ольга қоғамдық жұмыстарға да белсенді түрде атсалысады. Ол «Адал дос» атты қоғамдық бірлестіктің өкілі. Ұйым иесіз жүрген үй жануарларын қорғаумен айналысады. Сонымен қатар Ольга еріктілер жасағының да белсенді мүшесі.

Жалпы Қарағанды техника-құрылыс колледжінде студенттерді оқу орны қабыр­ғасында жүргенінде-ақ болашақ маман­дығына өндірістік тәжірибе негізінде баулу ісі дұрыс жолға қойылған. Мысалы, бұл жерде болашақ дизайнерлер өздерінің түрлі жобаларын әзірлеп, оларды құрылысшы мамандығына оқып жатқан студенттерге береді. Ал олар болса, қажетті материалдарды таңдап алып, дизайнерлердің жобасын іске асырады. Яғни, колледжде зертханалары өзара тығыз қарым-қатынаста әрекет ететін құзырет орталығы жемісті жұмыс істейді. Айта кететін бір жайт, аталған колледж былтырдан бері республикалық бюджеттен қаржыландырылатын білім мекемелерінің қатарына қосылған.

 

ҚАРАҒАНДЫ

 

Соңғы жаңалықтар

Баяғы жартас – бір жартас

Аймақтар • Бүгін, 10:56

Соңғы күндердің бораны сұрапыл

Аймақтар • Бүгін, 10:15

Өтініш-тілектер ескеріледі

Аймақтар • Бүгін, 06:51

Аманатқа қиянат жүрмейді

Таным • Бүгін, 06:49

Қараусыз малға ұры қас

Қоғам • Бүгін, 06:46

Табысты жылыстатудың жолдары

Экономика • Бүгін, 06:40

Шаңырақ неге шайқалады?

Қоғам • Бүгін, 06:35

Жүйелі жұмыс жалғасады

Саясат • Бүгін, 06:33

Мегаполистегі маңызды жобалар

Аймақтар • Бүгін, 06:30

Өткенге есеп, ертеңге бағдар

Аймақтар • Бүгін, 06:28

Атқарылған істер ауқымды

Аймақтар • Бүгін, 06:24

Сақтыққа салғырт емес

Қоғам • Бүгін, 06:20

Ұқсас жаңалықтар