Спорт • 20 Қыркүйек, 2019

Алты боксшымыз жартылай финалда айқасады

40 реткөрсетілді

Екатеринбургтегі әуесқой бокстың әлемдік додасына Қазақ елінің былғары қолғап шеберлері толық құрамда барды. Биылғы біріншілікке біздің командада бұдан бұрын әлем чемпионатының дәмін татып, тәжірибе жинаған бес боксшы барды. Олар – 2017 жылғы әлем чемпионы Қайрат Ерәлиев, күміс жүлдегер Қамшыбек Қоңқабаев, қола жүлдегерлер Василий Левит пен Абылайхан Жүсіпов және әлем біріншілігінің қатысушысы Зәкір Сафиуллин. Ал қалған үш боксшы мұндай деңгейдегі додаға бұрын-соңды түсіп көрмеген...

Әлем чемпионатының соңғы іріктеу жекпе-жегіне дейін сәтті өнер көрсетіп келген Қазақстан құрамасы боксшылары ширек финалға шығарда сүрінді. Өкінішке қарай, 63 килода сынға түскен отандасымыз Зәкір Сафиуллин жарыс жолынан шығып қалды. Ширек финалға жолдама беруші жекпе-жекте қандасымыз 2017 жылғы әлем чемпионы және Панамерика ойындарының екі дүркін жеңімпазы, кубалық Энди Круз Гоместен жеңіліп қалды. Төрешілер 5:0 есебімен жеңісті бірауыздан кубалық боксшыға берген. Осылайша Қазақстан командасы сапынан жүлдеден үмітті бір боксшы жарысты ерте аяқтауға мәжбүр болды. 32 жастағы отандасымыз биыл екінші рет әлем біріншілігіне қатысты. 2015 жылы Қатар астанасы Дохада өткен бә­секеде бірінші айналымда сүрінген-ді.

Сонымен қатар ширек финалда әлем чемпионы Қайрат Ерәлиев күтпеген жерде халықаралық деңгейде тәжірибесі аз өзбекстандық боксшы­дан жеңіліп қалды. Миразизбек Мир­захалиловпен болған жекпе-жек барысында біздің боксшының басымдау болғаны рас еді. Екінші раундтағы шартпа-шұрт айқас кезінде екеуі бас­пен сүзісіп қалған.Салдарынан Ер­әлиев­тің қабағы жарылды. Осы кезде, төреші жекпе-жекті тоқтатты да, өз­бекстандық бокс­шының қо­лын кө­тер­ді. Ал ширек финалда жұды­рық­тас­қан қалған алты бокс­шының бәрі де қар­сыластарын еш қиындықсыз жеңіп, әлем чемпио­натының жартылай финалына жолдама алды.

Атап айтар болсақ, ширек финалда 52 килода жұдырықтасқан Сәкен Бибосынов пен аса ауыр салмақтағы Қамшыбек Қонқабаевтың өнеріне қазақ жанкүйерлері тәнті болды. Екеуі де қарсыластарының соққысын өздеріне дарытпай, ауа қарматып қалуға тырысты. Бибосынов пен Қонқабаевтың жекпе-жегін қарап отырып, әйгілі украиналық бапкер Анатолий Ломаченконың (Василий Ломаченконың әкесі – ред) кәсіпқой бокстың ауыр салмағындағы Алексан­др Усик пен Мурат Гассиев жекпе-жегінде Усикке айтқан: «Ол сені емес, ауаны ұруы керек» деген сөзі бірден ойымызға оралды.

Ал 81  килодағы Бекзат Нұрдәу­летов осымен үшінші жекпе-жегінде карсыласын нокдаунға түсірді. Түркия­лық боксшы Байрам Малканға қарсы өткен кездесуде отандасымыз 4:0 есе­бімен жеңіске жетті. Бір төреші жекпе-жекті тең өтті деп есептеген.  Сонымен қатар 69 килодағы Абылайхан Жүсіпов Доминикан Республикасының өкілі Рохан Поланконы, 75 килодағы Тұр­сынбай Құлахмет армениялық Арман Дарчанянды және 91 кило салмақта жұдырықтасатын Василий Левит иорданиялық Хуссейн Яшаишті сан соқтырып кетті.

Кеше жартылай финалға шыққан боксшыларға бір күндік демалыс берілді. Енді бүгін отандастарымыз финалға шығу үшін барын салады. Бірақ қарсыластары да қарап қалмайтыны анық. 52 килодағы Сәкен Бибосынов биылғы Азия чемпионы, үндістандық Амит Пангалмен кездеседі.  69 килодағы Абылайхан Жүсіпов шаршы алаң иесі Андрей Замковоймен жұдырықтасады. 2009 жылғы әлем чемпионатының күміс, Лондон Олимпиадасының қола жүлдегері қазақстандық бокс жан­күйерлеріне жақсы таныс. 75 килода өнер көрсететін Тұрсынбай Құлах­мет финал жолдамасы үшін таласта филиппиндік Эумир Марсиальмен қолғап түйістіреді.

Сонымен қатар Бекзат Нұрдәулетов (81 кг) жартылай финалда Олимпиада чемпионы, әлем біріншілігінің төрт дүркін жеңімпазы кубалық Хулио Сезар Ла Крузбен кездеседі. 91 кило­дағы Василий Левиттің жартылай финалдағы қарсыласы – эквадорлық Хулир Сезар Кастиллио Торрес. Аса ауыр салмақтағы Қамшыбек Қоң­қабаевты аустралиялық Джастис Хуни күтіп тұр. Жартылай финалдың жекпе-жектері Нұр-Сұлтан уақытымен 16:00-де басталады.

Тағы бір айта кетерлігі, Қазақстан әлем чемпионатында жартылай финал­ға шыққан боксшылар саны бойынша (7) бірінші орында тұр. Екінші орында бес боксшымен Өзбекстан құрамасы болса, үшінші орынды төрт боксшымен Ресей және Англия құрамалары бөлісіп тұр. Ал Кубаның үш боксшысы жартылай финалда жұдырықтасады.

Соңғы жаңалықтар

Ең қысқа әңгіме. Төреғали Тәшенов

Ең қысқа әңгіме • Кеше

Ең қысқа әңгіме. Құдияр Біләл

Ең қысқа әңгіме • Кеше

Ең қысқа әңгіме. Мади Сырымбетов

Ең қысқа әңгіме • Кеше

Ең қысқа әңгіме. Қойшыбек Мүбарак

Ең қысқа әңгіме • Кеше

Ең қысқа әңгіме. Жәудір Нартай

Ең қысқа әңгіме • Кеше

Ең қысқа әңгіме. Әлібек Байбол

Ең қысқа әңгіме • Кеше

Ең қысқа әңгіме. Болат Шарахымбай

Ең қысқа әңгіме • Кеше

Ең қысқа әңгіме. Асхат Өмірбаев

Ең қысқа әңгіме • Кеше

Күлкі керуені № 5

Руханият • Кеше

Меценаттың мырзалығы

Аймақтар • Кеше

Жазудың машақаты

Қоғам • Кеше

Әлемнің Әбдіжәмілі

Қазақстан • Кеше

Нан болса, ән болады

Қазақстан • Кеше

Белсене қатысу қажет

Қазақстан • Кеше

Ұқсас жаңалықтар