23 Қыркүйек, 2019

Зүлфия Чиншанло үздіктер қатарынан көріне алмады

230 рет
көрсетілді
1 мин
оқу үшін

Ауыр атлетикадан Таиландта өтіп жатқан әлем чемпионатында Лондон Олимпиадасының жеңімпазы Зүлфия Чиншанло төртінші орын алды, деп хабарлайды ҰОК баспасөз қызметі.

Зүлфия Чиншанло үздіктер қатарынан көріне алмады

55 килода сынға түскен қазақстандық атлет қоссайыс қорытындысы бойынша 213 (93+120) кило зілтемірді бағындырды. Алайда, бұл көрсеткіш жүлдегерлер қатарына ену үшін жеткіліксіз еді. Бұл бәсекеде қытайлық Цуньюнь Ляо (227 кг) топ жарды. Екінші орынды тағы бір қытайлық спортшы Ваньцунь Чжан иеленсе, үздіктер үштігін филиппиндік атлет қорытындылады.

Айта кетелік, ерлер арасындағы 55 кило салмақта қазақстандық Игорь Сон күміс жүлдегер атанған болатын. Алдағы уақытта жарыс жолына Илья Ильин (96 кг), Денис Ұланов (89 кг), Нижат Рахимов, Айдар Қазов (81 кг) шығады.