Өнертапқыш студенттер

Қостанайлық өнертапқыш студент­тер – Ілияс Әзілханов пен Зарина Мырзатаева латын қарпімен басылған ани­­мациялық қазақ әліпбиін ойлап тапты. 3D мобильді қосымшаға негізделген ин­новациялық жоба балалардың қазақ жазбасын тез меңгеріп кетуіне ба­ғыт­талған.

– Жаздың соңында біз, Ілияс екеуміз Ақмола облысы Бурабай жерінде ұйым­дастырылған жас кәсіпкерлердің Zeren-2019 слетіне қатыстық. Екеуміз орман­ды аралай жүріп қандай идеяны жүзеге асырсақ екен деп ақылдаса келе, ерекше әліпби жасап шықсақ деген ортақ шешімге келдік, – дейді Зарина. – Колледжде оқып жүргенімде мен 3D моделін құрастыруды үйрендім. Сонымен қатар сурет мектебіне де бара­тынмын. Ал университетте журна­лис­тика мамандығы бойынша оқи жүріп латын қарпі туралы біршама ізден­дім. Бұл уақытта Ілияс колледжді біті­ріп, А.Байтұрсынов атындағы Қос­та­най мемлекеттік универ­ситетінде бағ­дар­ла­машы мамандығы бойынша оқып жатыр еді. Бұл да болса біздің идеямыздың жү­зеге асуына көп көмегін тигізді. 

– Әліпбиді әзірлеу кезінде біздің жо­баға ұқсас екі жоба туралы білдік, – дейді Ілияс. – Бірақ бізге олар­дың түрі мен бағасы ұна­мады. Бар­лық артық­шы­лық­тары мен кемшіліктерін өлшеп, біз тұтынушы үшін жарқын, қы­зықты әрі қол­­жетімді бо­латын балама­сын жасап шық­тық. Ал латын әліпбиін білім беру үде­рісіне енгіз­ген­нен кейін 2020 жылдан бастап өнімнің сұранысы жоғары болмақ. Бұған дейін бізде стартап-жобаларда жұмыс істеу тәжірибесі болды, әр жолы біз жеңімпаздардың қатарынан көрініп жүрдік, бұл жолы да солай болды. Ал­ды­мен толыққанды өнім жасап, оны дүкен сөрелеріне шығарғымыз келеді және болашақта тек бізге ғана емес, жалпы халыққа да пайда әкелетін жаңа өнім жасағымыз келеді.

Иә, жас өнер­тап­қыштар инно­ва­ция­лық идеяның игілігі мол екенін айтады. Өнер­тапқыш студенттердің жобасында латын графикасын үйретудің озық әдіс-тәсілдері қолданылған. Әліпбидің жаңа латынша графикасын алғаш оқып-үйре­не­тіндер балабақша мен оқу орындары болмақ. Сондықтан инновациялық жоба­ның нарықта тиімділігі айтпаса да түсі­нікті. Ғы­лым жолына түскен қос студент ойлап тапқан жаңалығын жарыққа шы­­ғаруды жөн санаған.

Ілияс Әзілхановтың айтуынша, ол «Жас кәсіпкер» жобасына қатысып, бизнес жоспар құрып, іскерлік негіздерін үйрен­ген.

Ин­новациялық жобаны іске асыруға қаражат керек екені анық. Сол себепті өнер­тапқыштар грант ұтып алуға үміт­теніп отыр. Сондай-ақ жаңа жоба­ла­ры­ның жүзеге асатынына да сенеді.