Кездесу инвесторлардың халықаралық апталығына (World Investor ' s Week) орайластырылып, бағалы қағаздар жөніндегі комиссиялардың халықаралық ұйымының (IOSCO) қолдауымен өткізіледі және халықтың инвестициялық сауатын арттыруға бағытталған.
АХҚО қаржылық қызметтерді реттеу жөніндегі комитеті (бұдан әрі-AFSA) 2018 жылдың маусымында IOSCO ассоциацияланған мүшесі ретінде қабылданды. IOSCO бүкіл әлемдегі бағалы қағаздар нарығының реттеуші органдарын біріктіреді және бағалы қағаздар нарығы үшін халықаралық стандарттарды белгілейді. IOSCO міндеттеріне ұлттық реттеуші органдармен бағалы қағаздар нарығын реттеудің халықаралық танылған стандарттарын әзірлеу, енгізу және сақтауға жәрдемдесу жөніндегі ынтымақтастық кіреді.
Дәстүрлі түрде іс-шара қазанның бірінші аптасында әлемнің 80 елінде өткізіледі. Мақсаты-инвестициялаудың негіздері туралы ақпаратпен қамтамасыз ету және қаржылық қызметтерді тұтынушыларды қорғау.
Биыл халықаралық инвесторлар апталығы-2019 және АХҚО 30 қыркүйек пен 6 қазан аралығында Қазақстанның 6 қаласында – Петропавл, Ақтау, Ақтөбе, Түркістан, Алматы және Нұр-Сұлтан қалаларында өтеді.
АХҚО халықаралық инвесторлар апталығының бағдарламасы академиялық және іскерлік топтар үшін презентациялар мен ақпараттық сессиялар форматында өтеді.
4 қазанның бірінші жартысында жастар мен академиялық топтардың қаржылық және инвестициялық мәдениетін қалыптастыру және инвестициялау негіздері туралы ақпараттандыру мақсатында аймақтық жоғары оқу орындарының студенттері мен профессор-оқытушылар құрамы үшін дәрістер өтеді. Сондай-ақ мемлекеттік қызметшілер-Қазақстан Республикасы Президентінің жанындағы Мемлекеттік басқару академиясының тыңдаушылары үшін семинарлар өтеді.
Екінші жартысында өңірлік бизнес үшін презентация өтеді, оның барысында қаржы қызметтерін тұтынушыларды қорғау, бизнес үшін АХҚО мүмкіндіктері, жасыл және ислам облигацияларын шығару ерекшеліктері, АХҚО-да тіркеудің артықшылықтары мен рәсімі және орталықтың білім беру бағдарламалары туралы баяндалады.
Іс-шараның спикерлері қаржы қызметтерін, қаржы технологияларын реттеу, жасыл және ислам облигацияларын шығару, бағалы қағаздар нарығында инвестициялау, сондай-ақ үздіксіз кәсіби даму саласындағы АХҚО сарапшылары болады.
