Аймақтар • 30 Қыркүйек, 2019

Петропавлда сауда орталығы салынды

16 реткөрсетілді

Қызылжардың қақ ортасында 2000-жылдардың басында басталған құрылыс тасталған күйі ұзақ жылдар бойы қаңтарылып тұрды десек кім сенер? Алдымен бұл жерді Түрік компаниясы алып, ойын-сауық орталығын тұрғызады делінді. Алайда келіспейтін жағдайлар туып, олар кетіп қалды да жер қаңырап қала берді...

 Енді сол жерге 400 жұмыс орнын ашқан алып «Dostyk mall» деген сауда, ойын-сауық кешені құрылысын аяқтап, жуырда салтанатты түрде ашылды. Бұл жобаны жергілікті кәсіпкер Мұхтар Игібаев 5,5 млрд теңге қа­­ра­жат шығарып, іске асырып отыр. Қаланың көркін асы­рып, тұрғындарға көңілді күй сый­лаған М.Игібаевтың өзі ұзақ жыл­дардан бері кәсіпкерлікпен ай­налысып келеді.

Төрт қабатты сауда, ойын-сауық орталығының аумағы 30 мың шаршы метрді құрайды. Астыңғы қабаттары түрлі супермаркеттер болғанда жоғарғы қабаттарында балаларға ар­нал­ған ойын-сауық алаңы, ки­­нотеатр, дәмханалар мен мейрамханалар орын алған. Барлық тұрпаты Нұр-Сұлтан­дағы «Хан-Шатыр­ға» ұқсайтын ғимарат енді қызыл­жарлықтар игілігіне айналары сөзсіз.

Орталықтың ашылу салтанатына қатысқан облыс әкімі Құмар Ақсақалов Қызылжарда бұрын-соңды болмаған зәулім сау­да және ойын-сауық ор­та­лығы халыққа қалтқысыз қыз­мет ете­тініне сенім білдірді.

Орталықтың сыртында тұр­ғын­дарға ыңғайлы болуы үшін 400 орындық автотұрақ та ұйым­дастырылыпты. Есік алдында демалып отыратын шағын сая­бақ та бой көтерген.

Сауда орны бірінші күні-ақ түрлі тауарларға барынша бай екенін көрсетті. Оған келушілер күні бойы ағылып, үзілмеді. Бірақ аталмыш нысанның ашылу салтанатында өнер көр­сеткен топты шараны ұйымдастырушылардың өзімізден ша­қыр­май, Ресейден алдырғаны ғана көңілге қаяу түсіргендей болды...

 ПЕТРОПАВЛ

 

Баннер
Соңғы жаңалықтар

Ең қысқа әңгіме. Қанат Әбілқайыр

Ең қысқа әңгіме • Бүгін, 11:33

Ең қысқа әңгіме. Арман Әлменбет

Ең қысқа әңгіме • Бүгін, 11:26

Күлкі керуені № 2

Руханият • Бүгін, 10:27

Қылқаламның ұшында – Қарағанды

Руханият • Бүгін, 09:48

«Қоянқасқа» тұлпар топ жарды

Руханият • Бүгін, 09:11

Қазақ дастарқанынан дәм татты

Аймақтар • Бүгін, 09:03

Баянғали туралы баян

Руханият • Бүгін, 08:52

Жаңа аялдамаға жаны қас

Аймақтар • Бүгін, 08:31

Жаңаөзенде жаңа жоба басталды

Аймақтар • Бүгін, 08:24

Тағзым мен тағылым тоғысқан той

Руханият • Бүгін, 08:19

Экономикада тұрақты өсім бар

Экономика • Бүгін, 08:06

Краудфандинг қазаққа да жат емес

Қазақстан • Бүгін, 08:00

Ұқсас жаңалықтар