Бұл жетістіктер жаңа Қазақстанның негізін қалаған, осы елдің экономикалық және саяси дамуының сәулетшісі Нұрсұлтан Назарбаевтың сындарлы саясатының жемісі. Ол бұрынғы Кеңес Одағынан мұраға қалған мешеу экономикаға ие Қазақстанды әлеуметтік, адам құқығы мен демократия салаларында әлемдік талаптарға жауап беретін дамыған мемлекетке айналдырды.
2019 жылы Н.Назарбаев мырзаның жаңа Президент Қасым-Жомарт Тоқаевқа билікті бейбіт түрде беруі Қазақстандағы демократияның бір үлгісіне жатады. Бұл Қазақстанға көрші елдер үшін тосын жайт.
Орталық Азия және Кавказ елдеріне көз жүгіртсек, осы елдердің өткен 27 жылда саяси, экономикалық және мәдени дамуына кедергі болған ұлтаралық және діни қақтығыстарға куә боламыз. Бірақ Н.Назарбаев мырзаның қырағы саясаты ұлттық мүддені қорғау және қауіпсіздік мәселелерінде осы ел халқының бірлігіне және Қазақстанның әлемдегі демократиялық әрі дамыған ел ретінде танылуына жол ашты.
Қазақстанның аймақ пен әлемдегі ерекше рөлі мадақтауға лайық. Алматыда Иранның ядролық келіссөздерінің өткізілуі, Нұр-Сұлтанда Сирияда бейбітшілік орнату үшін отырыстардың ұйымдастырылуы, Қазақстанның ШЫҰ-ға мүшелігі, ИЫҰ-ға төрағалық етуі Қазақстан халқы мен үкіметі үшін үлкен жетістік.
Сондықтан Президент Қасым-Жомарт Тоқаевтың ел халқына Жолдауы Қазақстанның дамуын, қауіпсіздігін қамтамасыз етуге бағытталған әрі Н.Назарбаев мырза қалап кеткен елдің дамуы бағытын одан әрі жалғастыруға мүмкіндік береді.
Қазақстан Президентінің Жолдауында өте маңызды мәселелерге мән берілген:
- мемлекеттік органдар мен халықтық ұйымдарда демократияны нығайту. Азаматтардың құқығы үкіметтік құрылымның негізі болып табылады;
- экономикалық дамуға қол жеткізу, Қазақстанның дамуы және оны халықаралық айдында дамыған елге айналдыру үшін ғылым мен жаңа технологияларды пайдалану;
- ұлттық татулық, Қазақстан азаматтары ретінде барлық этностардың құқықтарына құрмет көрсету, діни ғұрыптарын жасауына көмектесу, үкіметтің жаңа Қазақстанның негізі болып табылатын халықтың барлық азаматтық құқықтарын қолдауы;
- сыртқы саясатты дамыту, халықаралық айдында белсенді рөл ойнау үшін аймақ және әлем елдерімен халықаралық байланысты нығайту, мыңдаған жылдық тарихы бар Қазақстан халқының жетістіктерін, технологияларды игеруін, демократиялық үкіметін паш ету.
Қазақстан Президентінің Жолдауы саяси, экономикалық, қауіпсіздік және мәдени салаларда нұсқаулық және жол картасы болып табылады. Оппозицияның наразылық білдіру құқығын мойындап қана қоймайды, сонымен қатар келіссөздер және ұлттық татулық пен бірлікті сақтау үшін пайдалы жолдарды ұсынады.
Миргасем МУМЕНИ,
«Чешмандозе аброре навин» зерттеу орталығының бас директоры, халықаралық қатынастар жөніндегі сарапшы (Иран)
