Руханият • 03 Қазан, 2019

Ер-азаматты «бұзатын» әйелдің 5 қателігі

98339 рет
көрсетілді
3 мин
оқу үшін

Кейде қыз-келіншектердің қиялында не бар екеніне ер-азаматтардың ақылы жете бермейтіні рас қой. Көп жағдайда әйел мен ерлердің пайымдары қабыса бермейді. Оның үстіне әйел деген күйеудің миын жеу, жігерлендіру, жетістікке жетелеуді өзінің басты міндеті деп біледі. Алайда әйелді өмір сүруге құштар ететін қарапайым жайттарды ер-азаматтар мүлде түсінбеуі де, тіпті қабылдамауы да ғажап емес.

Ер-азаматты  «бұзатын» әйелдің  5 қателігі

Бірінші қателік. «Ер-азамат­тар бақылау мен қолдауды» ажырата алмайды. Әйелінің не істеу қажеттігі туралы қолдауы мен кеңесі еркек үшін бұйрық, басқару, яки бақылау сияқты болып көрінуі әбден мүмкін. Бұл кезде сүйікті әйелің диктант жазып отырғанда төбеңнен төніп қарап тұратын қатал мұғалім сияқты болып көрінбек. Мұндай жағдайда көп адамдар үлкен іс тындырмақ түгілі, бір әріп те жаза алмай қалады.

Екінші қателік. «Бәрін өзім істеймін, ол көріп ұялып қал­сын». Жо-жоқ, ендігі жерде жі­гіт­ке енді ол тірлікті атқару­дың қа­жеті мен қызығы шамалы. «Әйелдер де істеп тастай­тын істе менің не шаруам бар?». Ер-азаматтар әйелдердің қолы­нан келетін жұмысты несіне ат­қарсын?!

Ал әйел байғұс еркектер іс­тей алатын жұмысты да істей алатынын дәлелдегісі келеді. «Мен басқа әйелдер сияқты, нәзік, ақсаусақ емеспін, от­ба­сымның бақыты үшін бәрінен де тайын­баймын» дегенді біл­дір­гісі келеді.

Үшінші қателік. «Тымы­райып алу». Әйелдің аузына құм құйылғандай, күйеуіне сөйлемей, тымырайып жүріп алуы бөріктілерге түк те ұнамақ емес. Ренжігеніңді, ісінің ұна­­майтынын білдіру үшін әйел­дердің қабағына қар жауып жүріп алуын ер-азаматтар жаза ретінде қабылдайды. Пси­хо­логиялық тұрғыда өте жа­ғым­сыз әсер алады. Сондықтан да болашақта мұндай жағдай­лар­дан қашқалақтап немесе айтатын уәжін дайындап жүреді.

Төртінші қа­телік. «Одан да түк істемегенің жақсы еді». Кей­бір қыз-ке­­ліншектерге не іс­тесең де жақ­­пайсың. Егер ол әйелі жос­парлағандай, яки іс­те­ген ісі көңілдегідей болып шықпаса еркектің құлағынан қаңқу кет­пейді. Бар өнерін, уақытын, күш-жігерін салып істеген жұ­мысы үшін қаншама жүйкесі егеліп, тек қажау сөз ес­титін болса, енді ол іске күй­еу­­­­ің құлықты болады, жолайды деп, тіпті, ой­ламай-ақ қойыңыз.

Бесінші қателік. «Жұрт­тың күйеуі керемет». Жолда­сыңызды басқалардың күйеуі­мен салыстырудың қажеті шамалы. Бұл оның намысына ғана тимейді, «мейлі соған барып тиіп ал, соған жасатып ал» де­ген­ді де естіп қалуыңыз ғажап емес. Ер-азаматтар үшін әйелі Олим­пиададан жеңіп алған өз медалі іспеттес. Демек, әйелі үшін өзінің күйеуінен артық кісі жоқ болуға тиісті.

Басқа біреудің күйеуін мақ­тап, сонымен салыстырып, аузының суы құрып отырған келіншекті ер-азаматтар қабыл­дай бермейді. Бұл әйелдердің ара­сында ғана бола беретін бәсеке.