Аймақтар • 08 Қазан, 2019

Өзге этнос өкілдерінің мемлекеттік тілге құрметі ерекше

19 реткөрсетілді

Осы жылдың қыркүйек айында Қазақстан Рес­пуб­­ликасы Ұлттық ұлан­ның барлық әскери бөлім­дерінде «Тілге құрмет – елге құрмет» атты акция өт­ті. Подполковник Медет Есем­баев басшылық ететін, Қостанай қаласында ор­на­ласқан 6697 әскери бө­лімде аталған акция аясында бір­қатар шаралар ұйым­дас­тырылды. 

Санаға серпіліс берген «Руха­ни жаңғыру» бағдарламасы аясында Қазақстан халқының тіл­дері күні мерекесіне орай әскери бөлімнің бөліністер ара­сында «Тілдер – халықтар досты­ғының елшісі» атты фестиваль өтті. Фес­тивальдың мақсаты – мем­ле­кет­тік тілдің мәртебесін асыру және өзге этностардың тілдерін құр­мет­­теуге шақыру.

Фестивальға Қазақстан халқы Ассамблеясы Қостанай облы­сы филиалының өкілдері, «Достық» үйінің түрлі этностық бірлестік­терінің өкілдері шақырылды. Ме­рейлі мерекені сайыс түрінде ұйымдастырып, өнерлі сарбаздардан құралған төрт команда сахнада түрлі этностардың мә­дениеті мен ұлттық тағамдарын кеңінен таныстырды. Мысалы, 1 жедел мақсаттағы ротасы неміс, 2 жедел мақсаттағы ротасы украин, 1 атқыштар ротасы ұйғыр, ма­териалдық және техникалық қам­тамасыз ету ротасы қазақ ұл­­тының салт-дәстүрлерінен, әдет-ғұрыптарынан көріністер ұсынды. Жоғары деңгейде өткен фестивальде Қостанай қалалық филармониясының әртістері өнер көрсетті. Шарада шырқалған ән­дер­дің дені патриоттық тұрғыда бол­ды. Аталған тіл фестивалінде ма­териалдық және техникалық қам­тамасыз ету ротасынан құрал­ған қазақ ұлтының командасы же­ңімпаз атанды. Көздің жауын алар ұлттық киімдері мен би­лері өзге қатысушылардан басым түс­ті. Сондай-ақ Қостанай қала­сы­­ның Өлкетану мұражайы да іс-ша­­раға арнап, түрлі этностардың мә­дениетінен сыр шертетін жәді­гер­лерін ұсынды.

Әскери бөлімде акция жал­ғасы ретінде «Қазақ тілінің ла­­­тын графикасына көшу» та­қырыбындағы дәрістер, Қа­зақстан композиторлар ода­ғы­ның мүшесі, композитор Қа­­лыбек Дербисалдинмен кез­де­сулер, «Тіл шебері», «Мың бір мақал-мәтел» байқаулары, «Өз халқыңның тарихын және дәс­түрін білесің бе?» атты викториналар және «Тілдер және ұлт­тық код» тақырыбында Елбасы сағаты ұйымдастырылып, «Мем­лекеттік тілде оқимыз» кітап көр­месі ұсынылды.

Қазақ тілінің қолданыс ауқы­мын кеңейту – барша қазақ­стандықтардың міндеті. Бұл мін­детті жүзеге асыруда Ұлттық ұлан қатарында борышын өтеп жүрген, мемлекеттік тілді мең­гер­ген өзге этнос өкілдерінен құ­ралған әскери қызметшілер де ат­салысып жүр. Мұндай үлгілі жандар әскери бөлімдерде аз емес.

 Мұратбек ҚҰДАЙБЕРГЕНОВ,

майор

ҚОСТАНАЙ

Соңғы жаңалықтар

Тәуелсіздік – тұғырым

Аймақтар • Бүгін, 17:01

Жас отбасылар баспаналы болды

Аймақтар • Бүгін, 16:16

Күлкі керуені № 25

Руханият • Бүгін, 12:49

Іргелі жобалар жүзеге асты

Қоғам • Бүгін, 07:47

Қолдау ғылымға қажет

Қоғам • Бүгін, 07:39

Апта үздігі атанды

Хоккей • Бүгін, 07:35

Өнім мен өсім еселенді

Аймақтар • Бүгін, 07:18

Тартымдылық тереңдей түспек

Аймақтар • Бүгін, 07:16

Үлкен өмір жолының кезеңдері

Экономика • Бүгін, 07:13

Шардара ГЭС-і толық жаңғырады

Экономика • Бүгін, 07:05

Наградалар тапсырылды

Қоғам • Бүгін, 06:57

Ұқсас жаңалықтар