Мажарстанның Береттьоуйфалу қаласында өткен бәсекеде сынға түскен «Қайрат» командасы үш ойын өткізіп, біреуінде ғана жеңіске жетті. Алғашқы екі ойында қарсыластарына есе жіберген отандастарымыз соңғы турда алаң иелері – «Береттьоуйфалу» клубын 3:0 есебімен тізе бүктіріп, топта үшінші орын иеленді. Жарыс ережесі бойынша элиталық кезеңге топта алғашқы үш орындағы командалар жолдама алады.
Ал Литваның Каунас қаласында өткен додада бақ сынаған Рудныйдың «Аяты» да турнирдің элиталық кезеңінде ойнауға мүмкіндік алды. Бір ойында жеңіске жетіп, екі матчта жеңілген «Аят» үшінші орынмен келесі кезеңге жолдама алды. Чемпиондар лигасының элиталық кезеңі 19-24 қараша күндері өтеді. Ал финалдық бәсеке 2020 жылдың 23-26 сәуір күндеріне жоспарланған.
