Аймақтар • 14 Қазан, 2019

Балқаш қаласының саябағы абаттандырылады

33 реткөрсетілді

Балқаш қаласында «БЛКЖО-ның 30 жылдығы» атындағы саябақты абаттандыру жұмыстары екі кезең бойынша жүзеге асырылатын болды.  Бұл туралы шешім қалалық мәслихаттың депутаттары, қоғамдық кеңес мүшелері, партиялық бақылау комиссиясы, сыбайлас жемқорлыққа қарсы іс-қимыл жөніндегі қоғамдық кеңес мүшелері қатысқан жиында қабылданды.

Биылғы жылдың аяғына дейін саябақ қоршалып, жарық жүйесі тартылып, көшеттер егілетін болды. Сондай-ақ, суару жүйесі мен жер асты коммуникацияларын қалпына келтіру жұмыстары да қолға алынады. Бұл жұмыстар келесі жылы да жалғасын таппақ.

Бұдан бөлек, жоба аясында саябақтағы аллеялар ретке келтіріліп, велосипед жолдары мен субұрқақтар салу, балалардың ойын аттракциондарын орнату қарастырылған.

Кеңесте саябақ аумағында берілген жер телімдерін пайдалану мәселелері де қаралып, қала тарихына арналған аймақтарды рәсімдеу ұсынылды.

Сонымен қатар, жиынға қатысушылар қалаға аса қажетті жобаның іске асырылуы мен жұмыс сапасын бақылау жөніндегі қоғамдық комиссия құру туралы шешім қабылдады.

    

Қарағанды облысы

 

Соңғы жаңалықтар

Таралым һәм қаралым

100 • Бүгін, 06:55

Жүз жыл

100 • Бүгін, 06:27

Инвестиция – даму даңғылы

Аймақтар • Бүгін, 05:49

Ұқсас жаңалықтар