Мемлекет басшысы елорданы одан әрі дамыту жөніндегі кеңесте тұрғын үйді іске қосу қарқыны мен құрылыс жұмыстарының көлемін арттыру қажеттігіне аса назар аударды.
Президент мекемелердің барлық жағынан ыңғайлы болуын тапсырған болатын. Соның аясында тұрғын үй кешенінің бірінші қабатында емхана, шағын орталық (балабақша) және полиция пункті сияқты әлеуметтік нысандар ашылады.
Тұрғын үй кешені жобалық атауы №27 және №36 көше қиылысында орналасқан (Ә. Бөкейханов көшесінің ауданы).Үй инженерлік желілерге тартылған. ТК осы жылдың соңына дейін қолданысқа беріледі. Қала әкімі А. Көлгінов құрылыс жұмыстарын уақытында аяқтап, үй ауласын абаттандыруға дайын болу қажеттігін атап өтті.
