Аймақтар • 18 Қазан, 2019

«Самұрық-Қазына» өңірде жаңа жобаларға қолдау көрсетеді

39 рет көрсетілді

Түркістан облысы Арыс қаласында орын алған төтен­ше жағдай кезінде алғашқы болып көмек қолын созған­дардың бірі – «Самұрық-Қазына» ҰӘҚ» АҚ 7 млрд теңге қаржы бөліп, 68 нысанды қалпына келтірді. Оның ішінде 16 мектеп, 8 аурухана, 36 балабақша, 4 спорт нысаны, колледж, темір жол вокзалы, Даңқ аллеясы және Орталық алаң бар.

Құрылыс жұмыстарының барлығы дерлік белгіленген мерзімде аяқталған. Ұлттық әл-ауқат қоры міндетіне алған нысандардың құрылысы толық аяқталғанын күні кеше Арыс қаласына іссапармен келген «Самұрық-Қазына» ҰӘҚ» АҚ басқарма төрағасы Ахметжан  Есімов мәлім етті.

Басқарма төрағасы алдымен Арыс қаласындағы жөн­деуден өткен, 65 жыл­дық тарихы бар «Ақнұр» бала­бақшасында болды. Бала­бақша меңгерушісі Ақбөпе Қайныбекованың айтуынша, бүгінгі таңда 5 топта 120 бүлдіршін тәрбиеленуде. Ән, би сынды үйірмелер жұ­мыс істейтін, үш тілді бі­лім беруге ден қойған бала­бақшада 31 тәрбиеші қызмет етеді. Содан кейін, Ахмет­жан Есімов құрылысы толығы­мен аяқталған темір жол вок­залының жұмысымен танысты. Қайта жөнделіп, футбол ойындары өтіп жатқан стадионға барып, «Арыс» және «Ордабасы» жастар командасының кездесуінде допты ойынға қосты. Ісса­пар барысында Түркістан облысының әкімі Өмірзақ Шөкеев апаттан кейінгі айларда атқарылған жұмыстар жайлы айтып өтті. «Төтенше жағдайдан кейін 2-3 ай ішінде қала толығымен қайта қалпына келтірілді. Онда 7164 үй қайта жөндеуден өтті. 400-ден астам үй бұзы­лып қайта салынып жатыр. Оқиға кезінде біз халқы­мыз­дың бірлігін көрдік. Елбасы сая­сатының арқа­сын­да мық­ты қоғамның қалып­тас­қан­ды­ғын, сондай-ақ мем­лекет­тің әлеуетін көрдік», дей келе облыс әкімі әлеу­мет­тік ин­фра­құрылымды салу және қал­пына келтіру жұ­мыс­­тарын жүргізгені үшін «Са­мұрық-Қазына» ҰӘҚ» АҚ бас­­шы­лы­ғы­на алғысын жеткізді.

Сондай-ақ «Самұрық-Қазына» ҰӘҚ» АҚ басқарма төрағасы Ахметжан Есімов пен Түркістан облысының әкімі Өмірзақ Шөкеев ынты­мақ­тастық туралы Мемо­ран­­думға қол қойды. Мемо­рандумға өңірді газдандыру, энергетика кешені, электронды сауда мен пош­та желісін, ақпараттық-ком­му­никациялық инф­ра­құ­рылымды дамыту және әлеу­­меттік нысандарды салу сияқты 9 бағыт кіреді. Осылайша Арыс және Түркістан қалаларын «ақылды қала» (Smart City) сервистік үлгісі бойынша дамыту көзделіп отыр. Қор өңір­дегі 97 мектеп пен ауру­ханаға дейін талшықты-опти­калық байланыс желісін және радиожелілерді салуды, Арыс қаласындағы 12 мектеп, 2 аурухана, 2 балабақшада 400 бейнебақылау камераларын және 50 «WiFi» нүктесін ұйымдастыруды қамтамасыз етпек.  «Қазіргі таңда Түркістанда қор компанияларында 19 мыңнан аса қызметкері бар 20 кәсіпорын мен филиал жұмыс істейді. Электрэнергетика, газ, пош­та, ақпараттық коммуника­ция және экономиканың басқа да салалары бойынша бірнеше жобаларды жүзеге асыруда», деді Ахметжан Есімов. Өз кезегінде Өмірзақ Шөкеев бұл меморандум алдағы уақытта өңірдің әлеу­меттік-экономикалық дамуына және халықтың әл-ауқатын көтеруге септігін тигізетініне сенім білдірді.

Меморандумның басым бөлігі сатып алу мәселе­сіне, атап айтқанда, импорт алмас­тыру және жергі­лік­ті қамтуды дамытуға арнал­ған. Қор ұзақ мерзімді келісім­шарттар жасау арқылы Түркістан облысында жаңа өндірістерді құруды көздейтін жобаларға қолдау көрсетеді. Ал облыс әкімдігі өз тарапынан жа­ңа өндірістер құру бойын­ша жобаларды іріктеуді қам­та­масыз етеді. Сонымен қатар тараптар Түркістан облысының әлеуметтік саласы мәселелерін талқылады. Бұл орайда қор церебральды сал ауруынан балаларды оңалту бағыты бо­йынша әлеуметтік мәселелер­ді шешуге, науқас адам­дар­­­ды қатарға қосу кабинет­­терін материалдық-техникалық жа­рақ­тандыруға, саламатты өмір салты мен спортты насихаттауға қаржылай қол­дау көрсетеді. Мәселен, Түркістан қаласындағы амфитеатр, оқушылар сарайы, 7000 орындық стадион, Қожа Ахмет Ясауи атындағы мұражай, конгресс-холл, «Smart City» жобасы сияқты әлеуметтік нысандарды салуға және байланыс желілерін жүргізуге жалпы 33,6 млрд теңге бөлінген.

 

Түркістан облысы

Соңғы жаңалықтар

Доллар қайта қымбаттап жатыр

Экономика • Бүгін, 11:44

Құрттың ішінен есірткі табылды

Аймақтар • Бүгін, 09:43

«Астана» көш бастады

Спорт • Бүгін, 09:40

Шекарашы сарбаздар ант қабылдады

Қазақстан • Бүгін, 09:20

Жартылай финалда сүрінді

Теннис • Бүгін, 07:56

Көкпар – ұлттық мінез

Руханият • Бүгін, 07:50

Ақ үйдің алғашқы мейманы

Әлем • Бүгін, 07:38

Ескі үйлерді есіркеген жоба

Аймақтар • Бүгін, 07:33

Рамзайдың «жұмбағы»

Сұхбат • Бүгін, 07:13

Ұқсас жаңалықтар