Қала маңында «Жасыл белдеу» қалыптастыру жұмыстары аясында облыс әкімдігінің бастамасымен облыс орталығында жалпыхалықтық сенбілік өтті. Өңір басшылығы, басқармалар мен департамент қызметкерлері және жергілікті тұрғындар қатысқан сенбілік аясында облыс орталығында 24 мыңнан астам тал егілді. Шараға 33 техника жұмылдырылды. Жергілікті тұрғындар да көне шаһардың жасыл қалаға айналуына белсене қатысты.
Сондай-ақ облыста 16 аудан, қала халқы да сенбілік өткізіп, тұрғылықты елді мекендерін тазартуға атсалысты. Жалпы облыс бойынша 1304,9 млн көшет егу жоспарланса, бүгінде оның 609,2 мыңы отырғызылған.
