Әлем • 22 Қазан, 2019

Жапон императоры таққа отырады

78 реткөрсетілді

Бүгін сейсенбіде Жапонияның жаңа императоры Нарухитоның таққа отыру рәсімі өтеді. Салта­натты шараға әлемнің 200 елінің көшбасшылары мен құрметті қонақтар қатысады.

Осыдан алты ай бұрын мамыр айында Жапонияның бұрынғы императоры Акихито тақтан өз еркімен бас тартқан еді. Оның орнына 59 жас­тағы ұлы Нарухито отырды. Жа­пония тарихында соңғы 200 жылда алғаш рет басқарушы көзі тірісінде билікті мұрагеріне табыстады. Жапон дәстүрі бойынша ел тарихында жаңа басқарушымен жаңа дәуір келеді. Осылайша Нарухито императорының билік ететін уақыты Рэйва деп аталды, бұл жапон тілінде «гүлденген әлем» дегенді білдіреді. Нарухито мамыр айынан бастап билікті өз қолына алғанымен, Хризантема тағына ресми түрде бүгін отырады. Аталған күн елдегі билік ауысуын реттейтін ежелгі жапон жыл санағына сәйкес таңдалған. Мерекені атап өту үшін жапон халқына 22 қазанда бір күндік демалыс берілді.

Жапонияның министрлер кабинеті атаулы күнде императорға ерекше сыйлық табыс етпек. Мүсінді Мә­де­ниет істері агенттігінің басшысы жә­не мүсінші Рёхэй Мията жасаған. «Springen», немісше «секіру» деп аталатын 45-сантиметрлік туындыда мұхит толқынында жүзген дельфиндер бейнеленген. Автордың айтуынша, бұл жаңа дәуірге аяқ басқан ұлт үшін бейбітшілік пен үміттің бейнесін білдіреді. Жапония императорын таққа отырғызу жиі бола бермейтін рәсім болғандықтан, жапон және әлем жұртшылығы үшін бұл – тарихи ма­ңызы бар оқиға.

Мұрагер ханзада Нарухитоға билікті алғаннан кейін Император сарайында салтанатты рәсімде билеуші монархтың «үш қасиетті қазынасын» –қола айна, яшмадан жасалған алқа және қылыш табыс етілді. Ежелгі жапон дініне сәйкес, бұл үш зат даналық, гүлдену мен батылдықты білдіреді екен. Осы сәттен бастап Нарухито мо­нарх атанып, ел билеушісі ретінде халыққа үндеу жасады, сондай-ақ ол Премьер-министр, Парламент спикері мен жоғарғы сот төрағасын қабылдады. Бұрынғы император Акихито тақтан бас тартқанға дейін 2016 жылдан бас­тап барлығы 11 діни және дәстүрлі салт жораларын жасаған.

Заңға сәйкес, монарх отбасында саяси билік болмағанымен халық арасында патша отбасына ұлт тұтастығы мен ел бірлігінің белгісі ретінде ерекше құрмет көрсетіледі. Жапония пат­шасының отбасы әлемдегі ең көне мо­нархиялардың бірі болып саналады.

Соңғы жаңалықтар

Тартымдылық тереңдей түспек

Аймақтар • Бүгін, 09:37

Жаңылтпаш жауаптар кімге қажет?

Аймақтар • Бүгін, 09:17

Қорғаныс-өнеркәсіп кешені

Қоғам • Бүгін, 07:59

Үздіктер марапатталды

Футбол • Бүгін, 07:57

Жастар жарады

Спорт • Бүгін, 07:51

Жерлестеріміз жоғарылады

Кәсіпқой бокс • Бүгін, 07:50

Фронт-кеңсе ашылды

Аймақтар • Бүгін, 07:31

Қоршаудан құтылған қала

Қоғам • Бүгін, 07:28

Анаға тағзым етіңдер!

Руханият • Бүгін, 06:57

Үмітіңді үзбе, үлескер...

Қоғам • Бүгін, 06:51

Ұлылар мұрасы – ұрпаққа өнеге

Аймақтар • Бүгін, 06:42

«Атыңнан айналайын, Әулие ата»

Руханият • Бүгін, 06:40

Ел ардағы – елу есім

Қоғам • Бүгін, 06:20

Он айдағы орнықты даму

Экономика • Бүгін, 06:17

Стратегиялық ықпалдастық артады

Парламент • Бүгін, 06:09

Миссия басшысымен кездесті

Үкімет • Бүгін, 06:08

Ұқсас жаңалықтар