Ел аумағында бастау алған акцияның мақсаты – мемлекеттік Туды насихаттап, жастардың туған еліне деген отансүйгіштігін ояту. Республикалық акцияға Қазақстанның мемлекеттік Туын белсенді насихаттайтын студенттік жастар да үн қосты. Туды қастерлеу – әрбір азаматтың борышы, себебі бұл рәміз елдің егемендігі мен біртұтастығын білдіретін басты белгі болып табылады.
Республика бойынша жалғасқан бұл үрдіске «Nur Otan» партиясы Маңғыстау облыстық филиалының саяси жұмыстар бөлімі және Ақтау қалалық филиал қызметкерлері, қалалық мәслихат депутаты Қ.Есетов, «Nur Otan» партиясы МОФ партиялық бақылау инспекторы Р.Шалбаев және университет ұжымы ат салысты.
-Шетелге шықсаңыз, туды жеке үйлердің аулаларына, көшелерде жиі кездесетінін байқайсыз. Тудың қастерлілігі қашанда басты назарда. Мәселен, Ұлы Отан соғысы кезінде қайда барса да туды тастамай, жыртылған жерін тігіп, алып жүрген, деген «Nur Otan» МОФ партиялық бақылау инспекторы Рақымжан Шалбаев Рахымжан Қошқарбаевтың Рейхстагқа ту тігу сәтіндегі естелігін жастардың есіне салды.
