Кәсіпқой рингте өнер көрсетіп жүргеніне үш жылдан аса уақыт болған жерлесміз осы қысқа ғана мерзім аралығында өзінің мықтылығын мойындатып үлгерді. 16 жекпе-жек өткізген ол солардың барлығын өз пайдасына шешіп, 12 қарсыласын есінен тандырды.
Соңғы рет Әли Ахметов 6 қарашада АҚШ-тың Нью-Йорк қаласындағы Мэдисон Сквер Гарденде рингке көтерілді. Сол бәсекеде америкалық Эндрю Эрнандесті 44 секундта ұрып жығып, WBC International Silver нұсқасының алтын белбеуін өзінде қалдырды.
Осы жеңісінің арқасында Қазақстанның жас өрені WBC нұсқасының әлемдік рейтингінде бірнеше сатыға жоғарлап, бұл күндері ол «ТОП-15» боксшының қатарына қосылды.
