Аймақтар • 02 Қараша, 2019

А.Есімов пен Б.Сағынтаев ынтымақтастық меморандумына қол қойды

216 реткөрсетілді

Алматыда «Самұрық-Қазына» ҰӘҚ» АҚ Басқарма төрағасы Ахметжан Есімов пен оңтүстік астананың әкімі Бақытжан Сағынтаев қаланың дамыту мәселелері бойынша кездесті.

 

«Самұрық-Қазына» ҰӘҚ АҚ мен оңтүстік астана Әкімдігі энергетикалық, ақпараттық-коммуникациялық, әлеуметтік салалардағы жобаларды іске асыру жөніндегі ынтымақтастық туралы Меморандумға қол қойды.

Меморандум энергетика кешенін, электрондық сауда мен пошта желісін, ақпараттық-коммуникациялық инфрақұрылымды, импорт алмастыруды және жергілікті қамтуды дамыту, сондай-ақ Алматы кәсіпкерлеріне Қор тобының сатып алуларына қатысу сияқты бағыттарды қамтиды.

Қор басшысы импорт алмастыруды және жергілікті қамтуды дамыту мақсатында Қор Алматы қаласында жаңа өндірістер құру бойынша жобаларды іріктеуді жүзгізетінін атап өтті.

«Біз Қазақстанда өндірілмейтін тауарларға зерттеу жүргіземіз және егер инвестор өндірісті іске қосса, біз сатып алуды қамтамасыз етеміз. Қор осындай жобаларды қолдауды оффтейк келісім-шарттарға қол қою арқылы жүзеге асырды, яғни бұл алдын ала төлем жасау және ұзақ мерзімді тапсырыстар механизмі арқылы жүргізіледі»,- деді Қордың Басқарма төрағасы Ахметжан Есімов.

Алматыда ұялы байланыс қызметінің сапасын жақсарту шеңберінде Қор 2019-2020 жылдары 2G/3G стандартының 37 базалық станциясын, 4G стандартының 26 базалық станциясын және 2021 жылға қарай 5G стандартының пилотын іске қосуды қамтамасыз етуге ниетті.

Алматыдағы қоғамдық көліктердегі қолма-қол ақшасыз төлем үлесі 98% .

 Қала ішіндегі жүйелерді автоматтандыру жедел жәрдем көліктерінің келу уақытын орташа 11-12 минутқа және өрт сөндіру машиналарының келуін 8 минутқа дейін қысқартуға мүмкіндік берген. Қазір қала төтенше жағдайлар туралы хабарландыру жүйесімен 100% қамтылған. Сонымен қатар тұрғындарға тиісті хабарламалар бірнеше минут ішінде келеді.

Алматы  өмір сүру жайлылығы мен жұмыс тиімділігін арттыруға мүмкіндік беретін жүйелермен жабдықталуда. «Ақылды қала» компоненттерін тиімді іске асыру, азаматтармен жүргізіліп жатқан диалогтар қалалық инфрақұрылым мен экожүйенің одан әрі дамуына ықпал етеді.

Бүгінде мегаполисте 185 мың ШОБ субъектісі бар. Халықтың үштен бірі кәсіпкерлікпен айналысады.  Қала бюджетінің 60 пайызы ШОБ-тен түсетін түсімдер есебінен қалыптасады. Яғни қаланың әлеуметтік қолдауының экономикалық базасын ШОБ құрайды. Демек, шағын және орта бизнес көп болған сайын қала бюджетіне түсетін түсімдер де соғұрлым көп болмақ. Бұл ретте аталған саланың маңыздылығын ескерген қала әкімдігі ШОБ-ты барынша ауқымды дамытудың бірқатар шараларын жүзеге асыруда. Соның ішінде  «Алматы – 2020» бағдарламасының негізгі басымдықтарының бірі болып «Бизнес пен жеке капиталға арналған қала» саналады. 

«Меморандум қаланың бизнес-қоғамдастығының қор компанияларымен ынтымақтастығын нығайту бойынша нақты шараларды қамтиды. Біздің кәсіпкерлер «Самұрық-Қазына» ҰӘҚ қажеттіліктері үшін жоғары сапалы өнім жеткізуге дайын. Әрине, байланыстардың нығаюы Алматы экономикасының дамуына және алматылықтардың өмір сүру сапасын арттыруға үлкен қолдау көрсетеді», - деп атап өтті Алматы қаласының әкімі Бақытжан Сағынтаев.

Құжат сондай-ақ жылумен және электрмен қамтамасыз ету жүйелерін перспективалы дамытудың бірыңғай техникалық саясатын анықтауды, ШОБ-ты дамытуға және дарынды жастарды жұмыспен қамтуға және қолдауға жәрдемдесуді, ұтқыр байланыс қызметтерінің сапасын жақсартуды және интернет желісіне сапасы жоғары жылдамдыққа қолжетімділікті қамтамасыз етуді көздейді.

Сонымен қатар, тараптар табиғи газды моторлы отын ретінде пайдалануды кеңейтуде, әлеуметтік сала мәселелерін шешуде, Алматы қаласын «Ақылды қала» ретінде дамыту жөніндегі шараларды қолдануда, сондай-ақ  ТКШ автоматтандыруда және қала қауіпсіздігінің мониторингін қамтамасыз етуде ынтымақтасатын болады.

Меморандумға сәйкес әлеуметтік сала мәселелерін шешуде әлеуметтік жетімдіктің алдын алу, аутизмді дәрі-дәрмексіз түзету, балаларды отбасына орналастыруға заңды түрде қолдау көрсету, спорт пен салауатты өмір салтын насихаттау, түзету мектептері мен балабақшаларын, паллиативтік көмек ауруханаларын, туберкулезге қарсы диспансерлерді материалдық-техникалық жарақтандыру бағыттары бойынша мәселелері шешілетін болады.



АЛМАТЫ

Соңғы жаңалықтар

Таразда су тарифі көтеріледі

Аймақтар • Бүгін, 16:40

Ауыр атлеттер Катарға аттанады

Ауыр атлетика • Бүгін, 12:08

Жақсы ауданындағы жақсы істер

Аймақтар • Бүгін, 11:49

Көпбалалыларға көмек

Аймақтар • Бүгін, 11:41

Күлкі керуені № 22

Руханият • Бүгін, 09:45

Фариза ақынның ұстазы

Руханият • Бүгін, 07:41

Армениямен ынтымақтастық дамиды

Парламент • Бүгін, 07:37

Ұқсас жаңалықтар