Қоғам • 05 Қараша, 2019

Жерлестері ғалымға жаңа баспана тарту етті

184 реткөрсетілді

Абайтанушы, профессор, филология ғылымдарының докторы Мекемтас Мырзахметұлы бүгінде Түлкібас ауданының Майтөбе ауылында тұрады. Табиғаты ерекше, атауы айтып тұрғандай, топырағына шыбық қадасаң, шынар өсетін ауылда өмірін ғылымға сарп етіп, көз майын тауысып жүрген ғалымға жерлестері баспана тарту етті.

 

Осы орайда есімізге М.Мыр­­зах­метовтің бір сұх­ба­тында жадынан өш­пей­тін ең ауыр күн ретінде ашар­шылық кезіндегі оқи­ғаны айтқаны түсіп отыр. «Нәубет басталғанда мен 4 жаста едім. Шешем ме­ні қолынан тастамай көте­ріп жүретін. Станса мен ауылдың арасы 2,5-3 шақы­рым. Әкем ұста болатын. Аздап алтынымыз болды. Соны сатып күн көрдік. Кейін әкемізді бай-құлақ деп тұт­қындады. Түрмеде жатып көз жұмды. Үйіміз еуропалық үлгіде салынған, едені тақтайланған жақсы үй еді. Өртеп жіберді. Үйдің ортасында тіреу болған. Әкем тіреудің бір жерін білдір­мей ойып, соған алтын сақтай­тынбыз. Үймен бірге өртеніп кетті. Бәрі әлі күнге дейін көз алдымда», деген-ді сұхба­тында М.Мырзахметұлы. Осы бір оқиғаны ғалым күні кеше сыйға тарту етілген бас­па­на кілтін алған кезде де есіне алған болар. Ауылда қарапайым тір­шілік етіп жүр­­ген ағамыз баспанасыз емес-ті. Дегенмен аудан әкі­мі бастамашыл болып, жер­лестері жаңа да жайлы үй салып беруді ұйғарыпты. Осы орайда айта кетелік, Түлкібас ауданының әкімі Нұрбол Тұрашбековті жұрт руханиятқа жанашыр, жа­ңа­­­шыл басшы ретінде де құрметтейді. Шағын және орта кәсіпкерлік дамып, тұр­­­ғындардың әлеуметтік жағ­дайы жақ­сара түскен Түл­кібаста соңғы жылдары ақын-жазушы, ғалым­дар мен жур­налистерге түрлі бағыт­та көптеп қолдау көр­сетіліп келеді. Мекемтас Мыр­захметұлына жаңа да зәулім үйдің кілтін табыстау рәсі­мінде аудан әкімі: «Біраздан бері бізде Мекемтас ағамызға туып-өскен жерінен баспана соғып берсек деген ниет болды. Осы баспанада аға­мыз шығармашылықпен емін-еркін айналысса деген мақсаттағы ниетіміз іске асып, бүгін қуа­нышты бөліспекпіз. Бұл үй ағамызға аудан халқының аты­нан бері­ліп отыр», дей келе үйді салуға үлес қосқан демеу­­ші­лерге алғысын біл­дірді. Ал облыстық ар­да­герлер кеңе­­сінің төр­а­ғасы Жеңісбек Мәу­лен­құлов Мекемтас Мыр­­зах­метұлының өткен өмі­рі мен шығармашылық жолына көз жүгіртіп, қазақ ғылы­мы­ның дамуына қосқан үле­сі шексіз екенін жеткізді. Өз кезегінде Мекемтас аға жер­лес­теріне алғысын білдіріп, сол жерлестерін игі іске жұмыл­дыра білген аудан әкімі Нұрбол Тұрашбековтің жұмысына сәттілік тіледі.

Сондай-ақ бұл күні аудан­­дық «Шамшырақ» қоғамдық-саяси газетінің редакциясында Түлкібас өңіріне есімі танымал ақын Әбдібек Аралбайұлы мен ұзақ жылдар бойы аудандық газетте қызмет еткен журналист Орынтай Көмековтің кітаптарының тұсаукесері өтті. «Ізде мені» кітабында арқалы ақын Әбдібек Арал­байұлының соңғы жылдары жазған өлең­дері топтас­тырылған. Ал, «Енді гүлге жола­маспын» – Орын­тай Көмековтің алғашқы кіта­бы. Қалың кітапта журна­лис­тің осы уақытқа дейін әзіл-сықақ, тылсым дүние тақы­рып­тарында жазған дүние­лері топтастырылған. Тұсаукесер рәсімінде Ме­кем­­тас Мырзахметұлы басылып шығуына аудан әкімі ықпал еткен кітап иелеріне шығармашылық табыс тіледі.

 

Түркістан облысы

 

Соңғы жаңалықтар

Жаңа үлгідегі көліктер

Қоғам • Бүгін, 09:08

Grand Slam жарысында белдеседі

Спорт • Бүгін, 08:30

Мексикалықтың қарсыласы атануы мүмкін

Кәсіпқой бокс • Бүгін, 08:29

Оқырманмен ой бөлісті

Руханият • Бүгін, 08:17

Қиянатқа қарсы тұрған газет

Руханият • Бүгін, 07:49

Жемқорлық жерге қаратады

Қоғам • Бүгін, 07:48

«Бір сынаған жаманды...»

Аймақтар • Бүгін, 07:46

Ерлі-зайыптылардың ерлігі

Аймақтар • Бүгін, 07:43

Ел игілігін еселеген жан

Руханият • Бүгін, 07:32

Ең қымбат ұлттық брендтер

Әлем • Бүгін, 07:23

Теңгенің тегеуріні

Қаржы • Бүгін, 07:21

Сенім капиталы

Экономика • Бүгін, 07:18

Қор алдында үлкен міндеттер тұр

Қазақстан • Бүгін, 07:04

Ұқсас жаңалықтар