Руханият • 05 Қараша, 2019

Күлкі керуені № 12

5063 реткөрсетілді

*Шымшыма шумақтар

Үйреншікті жағдай

О-о, бұл дегенің...

Әлеміш еттің нанына қарай

Шыңғырып түшкіріп жіберді.

Ол түшкіріп жібергенде,

Газет оқып отырған қожайыны:

«Ана нанды мен еңді жемеймін», –  деп,

Әлемішке қарай үстелді жіберді.

Үстелге жауап ретінде қамыр ұшты.

Қожайын қамырды қағып алып бүгілді.

– У нас опять война! – деп,

Балалар көршілерге жүгірді.

... Қазір – бейбітшілік ... кей үйде ...

О-о,

Бұл дегенің –

Үйреншікті жағдай болды бүгінде!

 

Телефон әңгімесі

... – Ің-ң,            

Кеше сені біреумен

 Төбелесті деді ме?

– Ондай болған.

– Ің-ң,

Төбеңді тесті деді ме?

 – Ол да болған.

 – Ің-ң,

Төбелестеріңе кім-кімдер қатысты?

– Өзіміз ...

және киімдеріміз қатысты.

– Ің-ң,

Төбелестерің қай жерде болып жүр?

 – Ой, бір жерде ...

атүсті ...

– Ің-ң,

Кәкең мен Мәкең де төбелесті деді ме?

– Жоқ, олар атысты!

– Ің-ң,

– Не жетпейді?

– Соны ит біліп пе,

Әйтеуір айқайласып жатты:

«Шығыс» деп, «батыс» деп.

– Ің-ң-ң-ң...

                     Ұрпақ даусы

... – Кет, әкеңнің ауызын! ...

– Сенің әкеңнің ауызын!

–  Сенің жеті әкеңнің ауызын!

– Мен сенің сегіз әкеңнің ауызын!

– Мен сенің семіз әкеңнің ауызын!

                                     ***

Естіп жатырсыңдар ма, бабалар

Ұрпағыңның даусын!?

 

Үмбетбай УАЙДИН

Соңғы жаңалықтар

Жүз жыл

100 • Кеше

Тапа тал түстегі қарақшылық

Аймақтар • 20 Қараша, 2019

Ұқсас жаңалықтар