Экономика • 06 Қараша, 2019

Бас қалада газ қымбатырақ болады

19 реткөрсетілді

Бұл туралы Нұр-Сұлтан қаласы әкімінің орынбасары Ермек Қизатов Орталық коммуникациялар қызметінде өткен баспасөз мәслихатында айтты. Қазір елордада орталықтандырылған газ жүйесінің құрылысы қарқын алды. Келер жылу маусымында бас қаланың халқы көгілдір отынмен қамтылады деп сендірді шаһар билігі.

Газ бағасының дәстүрлі отын­нан қымбат болуының се­бебі оның тасымалдануы мен кен орнындағы шикізатты өнді­ру­дегі ерекшеліктерінде жатыр дейді қала әкімінің орынбасары. Десе де оның құны айтарлықтай жоғары болмайды деп жеткізді.

– Көмір көрші Қарағанды және Павлодар облыстарынан жет­кізіледі. Ал газ мың ша­қы­рым­нан асатын аймақтан та­сы­малданады. Сол секілді көмір мен газды өндірудегі айыр­ма­шылықтарды ескеру керек. Алайда газдандырудың басым­дықтары көп. Көмірден бірден бас тартпаймыз. Жылу электр орталықтары алдағы бес жыл ішінде қайта жарақталады. Соны­мен бірге 3-ЖЭО құры­лысы қатар жүреді. Онда суды жылыту қазандықтары газбен жұмыс істемек. Сол себепті тұр­ғын үйлерде жылудың баға­сы көтеріледі. Бірақ ай­тар­лықтай емес. Жеке сектор иелері көмір­ді немесе газды пайдаланады, таңдау өз еріктерінде, – деді Е.Қизатов.

Орталықтандырылған газбен жабдықтау кезең-кезеңмен іске асырылады. Астананы кө­гіл­дір отынмен қамту Тұңғыш Пре­зиденттің «Бес әлеуметтік бастамасы» аясында орындалып отыр. Бұл жұмыстар негізгі екі бағытта жүзеге асырылмақ. Атап айтсақ, алғашқы кезеңде тұрғын үй алаптары мен өндіріс ошақтарына газ желілері жүр­гізілетін болады. Бұдан кейін 1-ші және 2-ші ЖЭО газға қосы­лады. Құрылыс жұмыстары 3 ке­зеңнен тұрады.

– 2019-2020 жылдары «Көк­тал-1», «Көктал-2», «Же­­­лез­­­но­­дор­ожный», «Оң­түс­­тік-Шығыс» тұр­ғын алап­тары­на және Про­мыш­лен­ный кентіне газ тартылады. Бұл жұ­мыс келер жылы аяқта­лады де­ген сенімдеміз. Құры­лыс­тың екін­ші кезеңі аясын­да Ин­тер­­на­циональный, Күй­ген­жар, Тель­ман тұрғын аудан­дары, сон­дай-ақ Приго­род­ный, Garden Village, Family Village қала­шықтары көгіл­дір отынға қосы­лады. Үшінші кезең­де Ильинка, Шұбар, Өн­діріс аудандарына газ құбыры тартылмақ, –  дейді қала әкімінің орынбасары.

Елорданы көгілдір отынмен қамту «Сарыарқа» жобасы не­гізінде іске асуда. Құны 250 млрд теңгеден асатын магис­т­раль­­ді газ құбырының ұзын­ды­ғы 1061 шақырым. Орта­лық­тан­­ды­­­рыл­ған газ жүйесімен 170-тен ас­­там елді мекен қамтылады деп жос­парланған.

Соңғы жаңалықтар

Күлкі керуені № 16

Руханият • Бүгін, 12:04

Ақынға арналған күн

Руханият • Бүгін, 07:46

Қаланы дамыту құжаты дайын

Аймақтар • Бүгін, 07:43

Баспанамен қамтитын басты құжат

Бағдарламалар • Бүгін, 07:23

Болмысы бүтін Бағаев

Руханият • Бүгін, 07:19

Ер Едіге және елдік мүдде

Руханият • Бүгін, 07:11

Темекінің тауқыметі

Медицина • Бүгін, 07:05

Ең қысқа әңгіме. Олжас Сәндібек

Ең қысқа әңгіме • Кеше

Ең қысқа әңгіме. Талғат Ешенұлы

Ең қысқа әңгіме • Кеше

Ең қысқа әңгіме. Нұрдәулет Қабасов

Ең қысқа әңгіме • Кеше

Ұқсас жаңалықтар