Қалада 10436 бала қамтылған 34 мемлекеттік, 87 бала қамтылған 1 шағын орталық, 4078 бала, оның ішінде 3184 бала мемлекеттік тапсырыспен қамтылған 45 жекеменшік, сондай-ақ барлығы 14 663 бала тәрбиеленіп жатқан 80 балабақша бар. 2019 жылы барлығы 235 орынды 3 балабақша ашылды.
Балабақшамен қамтылған 3-6 жас аралығындағы балалардың үлесі 98,1%-ға жетті, яғни 13 869 баланы құрады.
Кезектегі 3-6 жас аралығындағы балаларды балабақшамен жүз пайыз қамту үшін қалада салып жатқан көпқабатты үйлердің бірінші қабатынан 255 орындық және 14 ш/а бұрынғы балалар интернатының ғимаратына 280 орындық балабақшалар ашу жоспарлануда.
- Қаламыздың мектепке дейінгі білім беру ұйымдарына кезекке тұрудың және жолдама берудің электронды жүйесі (Е.OpenMangystau.kz қосымшасы) қосылып, бүгінгі таңда E-gov-пен интеграция жасау жұмыстары жүргізілуде. Мамыр-маусым айларында мемлекеттік балабақшаға 4000-дай бала, мемлекеттік тапсырыс алып отырған жекеменшік балабақшаларға 1100 бала жолданды,- деді қала әкімі.
Маңғыстау облысы
