Қазақстан • 07 Қараша, 2019

«Қазақстан жәндіктерінің таңғажайып әлемі» байқауы қорытындыланды

72 реткөрсетілді

«Ғылым ордасы» Табиғат музейінің ұйымдастырумен өткен «Қазақстан жәндіктерінің таңғажайып әлемі» балалар шығармашылығы байқауы мәресіне жетті. Байқау қоржынына келіп түскен жүз елуден астам жұмыстың әрқайсының өзіндік ерекшелігі бар. Олардың арасынан үздік жұмыстарды іріктеу, әрине, қазылар алқасына оңайға түспегені анық. 

«Рухани жанғыру» бағдарламасын жүзеге асыру мақсатында ұйымдастырылып отырған байқауды құттықтау сөзімен ашқан «Ғылым ордасы» бас директорының орынбасары Нұрлан Сейдін балаларға алдағы уақытта да туған жерді тану шараларына шақырды. Ұлттық құндылықтарды бағалау, еліміздің табиғи байлығын сақтауға баулуды мақсат ететін байқауға Алматы және Алматы облыстары мектептерінің оқушылары қатысқан.

Табиғат музейінің меңгерушісі Гүлжан Шайзатқызының айтуынша, осы мазмұндағы байқаулар балалар қиялын ұштап, табиғатты зерттеуге, аялауға, қоршаған ортаға бейжай қарамауға баулиды. Сондай-ақ табиғат мұражайындағы экспозициялар келушілерді ертедегі жануарлар әлімімен ғана емес, Қазақстанның қазіргі заманғы табиғатымен танысуға да мүмкіндік береді.

Қазылар алқасы барлық жұмысты мұқият бағалады. Ізденістерін ақ қағаз бетіне түсірген балалардың қиялында шек жоқ дерсіз. Қарындашты да, жапсырма құралдарын да пайдаланған жұмыстарда жәндіктердің табиғаттағы тіршілігі шебер көрсетілген. Ал құмырсқалардың бірнеше түрін үйде өсіретін 9-сынып оқушысы Инокентий Трескуновтың жәндіктерді баптаудағы тәжірибесі балаларды ерекше қызықтырды.  

Байқау қорытындысына орай ең үздік жұмыстарға арнайы дипломдар берілсе, өзге қатысушылар да сертификаттармен марапатталып, кітаптар сыйға тартылды. Балалар шығармашылығын ұйымдастырған мектеп ұстаздарына да Алғыс хаттар берілді. Жеңімпаздарға  «Қазақастанның қызыл кітабы беттерінен», «Қазақстанның қауіпті жануарлары» кітаптары сыйға тартылып, танымдық бағытта жәндіктер туралы фильмдер көрсетілді.

 

АЛМАТЫ

Соңғы жаңалықтар

Күлкі керуені № 16

Руханият • Бүгін, 12:04

Ақынға арналған күн

Руханият • Бүгін, 07:46

Қаланы дамыту құжаты дайын

Аймақтар • Бүгін, 07:43

Баспанамен қамтитын басты құжат

Бағдарламалар • Бүгін, 07:23

Болмысы бүтін Бағаев

Руханият • Бүгін, 07:19

Ер Едіге және елдік мүдде

Руханият • Бүгін, 07:11

Темекінің тауқыметі

Медицина • Бүгін, 07:05

Ең қысқа әңгіме. Олжас Сәндібек

Ең қысқа әңгіме • Кеше

Ең қысқа әңгіме. Талғат Ешенұлы

Ең қысқа әңгіме • Кеше

Ең қысқа әңгіме. Нұрдәулет Қабасов

Ең қысқа әңгіме • Кеше

Ең қысқа әңгіме. Ермек Бегзада

Ең қысқа әңгіме • Кеше

Ең қысқа әңгіме. Нұрназар Түрікбен

Ең қысқа әңгіме • Кеше

Ұқсас жаңалықтар