• 30 Мамыр, 2013

Қазақстан Республикасы Бас Прокуратурасының бұйрығы №8

367 рет

көрсетілді

35 мин

оқу үшін

Egemen Qazaqstan

Қазақстан Республикасы Бас Прокуратурасының бұйрығы №8

Бейсенбі, 30 мамыр 2013 1:01

2013 жылғы 15 қаңтар, Астана қаласы

«Тексеру тағайындау туралы актілерді, тоқтату, қайта жаңғырту, тексеру мерзімдерін ұзарту туралы хабарлауларды, қатысушылардың құрамын өзгерту мен тексеру және оның нәтижелері жөніндегі ақпараттық есепке алу құжаттарын тіркеу Ережесін бекіту туралы»
Қазақстан Республикасының мемлекеттік органдары жүзеге асыратын тексеру тағайындау туралы
актілерді тіркеу жөніндегі есептілікті одан əрі жетілдіру жəне «Қазақстан Республикасындағы мемлекеттік
бақылау жəне қадағалау туралы» 2011 жылғы 6 қаңтардағы Қазақтан Республикасы Заңының норма-
ларына сəйкес келтіру мақсатында, «Прокуратура туралы» 1995 жылғы 21 желтоқсандағы Қазақстан
Республикасы Заңының 11-бабы 4-1) тармақшасын басшылыққа ала отырып, бұйырамын:

Бейсенбі, 30 мамыр 2013 1:01

2013 жылғы 15 қаңтар, Астана қаласы

1. Қоса беріліп отырған Тексеру тағайындау туралы актілерді, тоқтату, қайта жаңғырту, тексеру
мерзімдерін ұзарту туралы хабарлауларды, қатысушылардың құрамын өзгерту мен тексеру жəне оның
нəтижелері жөніндегі ақпараттық есепке алу құжаттарын тіркеу Ережесі бекітілсін.
2. «Қазақстан Республикасының мемлекеттік органдары жүзеге асыратын тексерулерді мемлекеттік
тіркеуді, есепке алуды жəне бақылауды жүргізу туралы Ережені бекіту туралы» Қазақстан Республикасы
Бас Прокурорының 2011 жылғы 25 қарашадағы № 125 бұйрығының күші жойылды деп танылсын
(Нормативтік құқықтық актілерді мемлекеттік тіркеу тізілімінде № 7353 санымен тіркеліп, «Казахстанская
правда» газетінің 2012 жылғы 21 ақпандағы № 52 (26871); 2012 жылғы 22 ақпандағы № 53 (26872) сан-
дарында жарияланған).
3. Қазақстан Республикасы Бас прокуратурасының Құқықтық статистика жəне арнайы есепке алу
жөніндегі комитеті (бұдан əрі – Комитет) осы бұйрықты:
1) Қазақстан Республикасының Əділет министрлігіне мемлекеттік тіркеу үшін;
2) құқықтық статистика жəне арнайы есепке алу субъектілеріне жəне Комитеттің аумақтық ор-
гандарына орындау үшін жолдасын.
4. Осы бұйрықтың орындалуын бақылау Комитет Төрағасына жүктелсін.
5. Осы бұйрық бірінші ресми жарияланған күнінен бастап қолданысқа енгізіледі.
Қазақстан Республикасының Бас Прокуроры А. ДАУЫЛБАЕВ.
Қазақстан Республикасы Бас Прокурорының «__ » ____________ №___ бұйрығымен бекітілді
Тексеру тағайындау туралы актілерді, тоқтату, қайта жаңғырту, тексеру мерзімдерін ұзарту
туралы хабарлауларды, қатысушылардың құрамын өзгерту мен тексеру жəне оның нəтижелері
жөніндегі ақпараттық есепке алу құжаттарын тіркеу
Ережесі
1. Кіріспе.
1. Қазақстан Республикасының мемлекеттік органдары жүзеге асыратын тексерулерді
мемлекеттік тіркеуді, есепке алуды жəне бақылауды жүргізудің осы Ережесі (бұдан əрі – Ереже) 2011
жылғы 6 қаңтардағы «Қазақстан Республикасындағы мемлекеттік бақылау жəне қадағалау туралы»
Қазақстан Республикасы Заңын (бұзан əрі – Заң), 2006 жылғы 31 қаңтардағы «Жеке кəсіпкерлік тура-
лы» Қазақстан Республикасы Заңын жəне 2003 жылғы 22 желтоқсандағы «Мемлекеттік құқықтық ста-
тистика жəне арнайы есепке алу туралы» Қазақстан Республикасы Заңын жеке тұлғаларға, заңды
тұлғаларға, соның ішінде қызметтеріне бақылау жəне қадағалау жүргізілетін мемлекеттік органдарға,
филиалдарға жəне заңды тұлғалардың өкілдіктеріне қатысты Қазақстан Республикасының мемлекет-
тік органдары жүзеге асыратын тексерулерді бірыңғай мемлекеттік тіркеуді, есепке алуды жəне
бақылауды жүргізу бөлігін орындау үшін əзірленген.
2. Тексерулерді бірыңғай мемлекеттік тіркеу, есепке алу жəне бақылау:
Қазақстан Республикасының мемлекеттік органдары жүргізетін тексерулер нəтижелері бойынша
қалыптасатын шынайы жəне дəйекті құқықтық статистикалық ақпаратты жинақтау, есепке алу, тал-
дау жəне мемлекеттік органдарға, жеке жəне заңды тұлғаларға ұсыну;
жеке тұлғалардың, заңды тұлғалардың, соның ішінде қызметтеріне бақылау жəне қадағалау
жүргізілетін мемлекеттік органдардың, филиалдардың жəне заңды тұлғалардың өкілдіктерінің
қызметін тексеруді жоспарлау жəне оңтайландыру кезінде елдегі құқық қорғау қызметінің тиімділігі
мен сапасын арттыру мақсатында жүзеге асырылады.
3. Осы Ережеде мынадай түсініктер қолданылады:
ақпараттық есепке алу құжаттары (бұдан əрі – АЕҚ) – оның негізінде мемлекеттік құқықтық
статистикалық жəне арнайы есепке алу деректері қалыптасатын белгіленген үлгідегі құқықтық
статистикалық ақпараттың (№1-П нысанды есепке алу карточкасы жəне талон-қосымша)
материалдық (қағаз, магниттік, оптикалық жəне басқа да) жеткізгіші.
тексерулерді мемлекеттік тіркеу, есепке алу жəне бақылау субъектілері – жеке тұлғалардың,
заңды тұлғалардың, соның ішінде қызметтеріне бақылау жəне қадағалау жүргізілетін мемлекеттік
органдардың, филиалдардың жəне заңды тұлғалардың өкілдіктерінің қызметіне тексеру жүргізуге
Қазақстан Республикасының заңдары уəкілеттік берген мемлекеттік органдар;
тексеру объектілері – жеке тұлғалар, заңды тұлғалар, соның ішінде қызметтеріне бақылау жəне
қадағалау жүргізілетін мемлекеттік органдар, филиалдар жəне заңды тұлғалардың өкілдіктері;
тексеру тағайындау туралы акті – Қазақстан Республикасының заңнамалық актілерімен
белгіленген талаптардың сақталуымен рəсімделген мемлекеттік органның құқықтық актісі;
тексерулерді жоспарлау – уəкілетті мемлекеттік органдардың тексерулерді жүйелеуі,
оңтайландыруы жəне реттеуі;
2. Тексерулер тағайындау туралы актілерді мемлекеттік тіркеу.
4. Мемлекеттік тіркеу процедурасы өзіне тексеру тағайындау туралы актіні тіркеуді, тексеру
жүргізу мерзімінің ұзартылуы, тоқтатылуы, қайта жаңғыртылуы туралы, тексеру тағайындау туралы
актіні тіркеуден бас тартуды, тексеру туралы мəліметтерді есепке алу, ақпараттық есепке алу
құжаттарын беру жəне оның нəтижелері, сонымен қатар өткізілмеген тексерісті құқықтық статистика
жəне арнайы есепке алу органында есептен алуды енгізеді.
Тексеру тағайындау туралы актілерді мемлекеттік тіркеу процедурасы жəне тиісінше, осы Ереже
талаптары:
Заңның 8-бабы тəртібінде ішкі бақылауды жүзеге асыру кезінде;
Қазақстан Республикасының заңнамасында тікелей көзделген жағдайлардан басқа, Заңның 3-ба-
бы 3 жəне 4 тармақтарында жəне 12-бабы 3-тармақшасында көзделген салалардағы бақылау мен
қадағалауды жүзеге асыру, сонымен қатар прокурорлық қадағалауды жүзеге асыру кезінде тексеру
жүргізуге байланысты құқықтық қатынастарға таратылмайды.
Жеке кəсіпкерлік субъектілеріне қатысты прокуратура органдары жүзеге асыратын тексерулер
осы ережеде белгіленген тəртіпте мемлекеттік тіркеуге жатады.
5. Бірыңғай мемлекеттік тіркеу субъектілері Ереженің 1-қосымшасына сəйкес рəсімделетін
Қазақстан Республикасының мемлекеттік органдары жүзеге асыратын тексерулерді тағайындау тура-
лы актілерді тіркеу журналын (бұдан əрі – журнал) жүргізеді.
6. Тексеру тағайындау туралы актінің тіркелуін құқықтық статистика жəне арнайы есепке алу
органы тексеру объектісінің тіркеу орны бойынша немесе өз қызметін жүзеге асыру орны бойынша
тексерудің басталуына дейін жүзеге асырылады.
Тіркелу үшін құқықтық статистика жəне арнайы есепке алу органына заңнамада өзгеше көздел-
ме се тексеру тағайындау туралы актінің екі данасы (түпнұсқа жəне куəландырылған көшірме),
Ереженің 9-қосымшасына сəйкес Қазақстан Республикасының мемлекеттік органы жүзеге асыратын
тексеру туралы мəліметтер толтырылған есепке алу карточкасы (бұдан əрі – №1-П нысанды есепке
алу карточка) ұсынылады.
Тексеруді мемлекеттік тіркеу үшін тексерулерді есепке алудың ведомстволық автоматтанды-
рылған жүйелерін жүргізу кезінде электрондық сандық қол қойылған, көрсетілген құжаттар құқықтық
статистика жəне арнайы есепке алу органы анықтайтын электрондық форматта жолданады.
Тексерулерді есепке алудың автоматтандырылған ведомстволық жүйесі болмаған жағдайда, тек-
серу тағайындау туралы акті жəне №1-П нысанды есепке алу карточкасы электрондық форматта
рəсімделуі, содан соң, электрондық сандық қол қойылғаннан кейін құқықтық статистика жəне арнайы
есепке алу органының Интернет-ресурс құралының көмегімен тіркелуі үшін ұсынылуы мүмкін.
Бақылаушы жəне тіркеуші органдардың орналасқан жерінен елеулі қашықтықта орналасқан
объектілерде жоспардан тыс тексеру жүргізген жағдайда, тексеруді тағайындау туралы актіні тіркеу
тексеру басталғаннан кейін, келесі бес жұмыс күні ішінде жүзеге асырылады.
7. Жоспардан тыс тексеруді тағайындау туралы актіні тіркеу барысында мемлекеттік орган
қызметкері Қазақстан Республикасының заңдарымен көзделген жағдайларды қоспағанда, тексеру
тағайындау үшін негіз болған құжаттың түпқұжаты мен көшірмесін ұсынады.
Тексеру тағайындаудың негізі болып табылған құжаттың түпқұжаты мемлекеттік орган қызмет-
керіне қайтарылады, ал көшірмесі құқықтық статистика жəне арнайы есепке алу органында қалады.
8. Құқықтық статистика жəне арнайы есепке алу органының қызметкері ақпараттық есепке алу
құжаттарын ала отырып, тексеру тағайындау туралы актіні тіркеуге ұсыну сəтінен жұмыс уақытын
ескере отырып үш сағаттан кешіктірмей:
тексеру тағайындау туралы актінің қолданыстағы заңнама талаптарына сəйкестігін жəне №1-П
нысанды есепке алу карточкасының толтырылуының толықтығын тексереді;
сонымен қатар, құжаттарды тіркеуге ұсынудың уақтылы болуын, тексеру жүргізудің құқықтық
негіздерінің болуын, тексеру мерзімі мен кезеңділігін, сонымен қатар тексеруді тағайындау кезінде
мемлекеттік органның аумақтылығын сақтауды тексереді;
актіні тіркеуден бас тарту үшін негіз болмаған жағдайда, құқықтық статистика жəне арнайы
есепке алу органының қызметкері Нұсқаулықтың 3-қосымшасына сəйкес тексеру тағайындау туралы
актіні тіркеу туралы мөр басады;
ақпараттық есепке алу құжаттарының мəліметтерін деректер қорына, №1-П н. есепке алу кар-
точкасына жəне оған қоса берілетін талон-қосымшаға енгізеді;
құқықтық статистика жəне арнайы есепке алу органының қызметкері электрондық тіркеудің
аяқталуы туралы мемлекеттік тіркеу субъектісіне электрондық сандық қол қойылған тексеруді
тағайындау туралы актіні тіркеу туралы хабарламаны жолдайды.
Тіркеген соң, актінің түпқұжаты мемлекеттік органның лауазымды тұлғасына қайтарылады.
Актінің көшірмесі құқықтық статистика жəне арнайы есепке алу органында қалады.
9. Мемлекеттік тіркеу субъектісі тексеру тағайындау кезінде Қазақстан Республикасының
заңнамасын бұзғаны анықталған жағдайда құқықтық статистика жəне арнайы есепке алу органының
басшысы не оның міндетін орындаушы адам тексеру тағайындау туралы актіні тіркеуден бас тарту ту-
ралы шешім қабылдайды.
Тексеру тағайындау туралы актіні тіркеуден бас тарту туралы қорытынды (бұдан əрі –
Қорытынды) Ережеге қоса берілген 4- қосымшаға сəйкес, ақпараттық есепке алу құжаттар құқықтық
статистика жəне арнайы есепке алу органына келіп түскен сəттен бастап 24 сағаттан аспайтын
мерзімде жазбаша түрде екі данада жасалады.
Көрсетілген мерзімінің аяқталуы мерекелік немесе демалыс күндеріне сəйкес келген жағдайда,
бас тарту құқығын қолдану мерзімі келесі жұмыс күні болып табылады.
Тексеруді тағайындау туралы актіні тіркеуден бас тарту Қазақстан Республикасы заңнамалары
мен осы Ереже талаптарының нақты бұзушылықтарын көрсете отырып дəлелді болуы тиіс.
10. Мемлекеттік тіркеу субъектісі тексеру тағайындау барысында Қазақстан Республикасы
заңнамасы талаптарының сақталуы туралы мəселені анықтау үшін ұсынылған құжаттарды қосымша
зерделеу қажет болған жағдайда, шешім ақпараттық есепке алу құжаттары құқықтық статистика жəне
арнайы есепке алу органына келіп түскен сəттен екі жұмыс күнінен кешіктірілмейтін мерзімде
қабылдануы тиіс.
Тіркеусіз қайтарылыпған тексеруді тағайындау туралы актіден бас тартылған жағдайда, Ережеге
қоса берілген 5-қосымшаға сəйкес «бас тартылған» мөртабан қойылады жəне №1-П нысанды есепке
алу карточкасының 21-тармағы толтырылады.
11. Мемлекеттік тіркеу субъектісіне тексеру тағайындау туралы актіні тіркеуден бас тарту үшін,
егер өзгесі Қазақстан Республикасының нормативтік құқықтық актілерімен, Қазақстан Республикасы
ратификациялаған халықаралық келісімдермен жəне осы Ережемен белгіленбеген болса, келесі
негіздердің бірінің болуы жеткілікті:
1) тексерулер жоспарында көрсетілмеген жоспарлық тексеруді тағайындау;
2) жоспарлы тексеру тағайындау кезінде алдыңғы тексеруге қатысты уақыттық ара-
қашықтықтың сақталмауы;
3 мемлекеттік органдардың өз құзыретіне енбейтін мəселелер бойынша тексерулер тағайындауы;
4) Қазақстан Республикасы заңдарымен белгіленген мерзімдерге қатысты тексеру тағайындау
туралы актіде көрсетілген тексеру жүргізу мерзімінің асып кетуі немесе өтіп кетуі;
5) жасырын түрдегі өтініш бойынша объектіні тексеруді тағайындау;
6) егер осы мəселе жəне кезең бойынша бұрын осы, немесе оның жоғары тұрған (төмен тұрған)
органы, немесе басқа да мемлекеттік орган тексеру өткізген болса, мемлекеттік органның объекті
қызметін тексеруді тағайындауы;
7) егер алдыңғы тексерулер нəтижесінде бұзушылықтар анықталмаса, анықталған бұзушылық-
тарды жою туралы ұйғарымның (қаулының, ұсыныстардың, хабарламалардың) орындалуын бақылау
мəселесі бойынша тексеру тағайындау;
8) жоспардан тыс тексеруді тағайындау негізінің жазбаша растауы болмауы (сұрау, тапсырма,
өтініш, шағым, жүгіну, прокурорлық қадағалауды жүзеге асыру кезінде жүгінулерді сенім телефонда-
ры бойынша есепке алу кітабында тіркеу туралы белгі, қарсы тексеру тағайындау кезіндегі актінің
көшірмесі жəне заңнамада көзделген басқа да негіздер);
9) өтініште немесе хабарламаларда, жеке, заңды тұлғалардың жəне мемлекеттің құқықтары мен
заңды мүдделерінің бұзылғандығы туралы өзге де жүгінулерде көрсетілген уақыт аралығының
шегінен шығатын кезеңге тексеру тағайындау;
10) тексеру жүргізуді оған тиісті өкілеттігі жоқ тұлғаларға тапсыру;
11) Заңда көзделген жағдайлардан басқа бірнеше тексеру объектілеріне тексеру тағайындау тура-
лы бір актідегі нұсқау;
12) заңмен белгіленген мерзімде ол бойынша тексеру тоқтатылған жəне қайта жаңғыртылмаған
объектіні тексеруді қайта тағайындау;
13) Қазақстан Республикасы заңдарымен белгіленген шекті мерзімдерінен асатын мерзімге
тексеруді тағайындау немесе оны ұзарту;
14) міндетті хабарлау туралы талап Заңда көзделген болса алдағы тексеру туралы жеке
кəсіпкерлік субъектісіне хабарлау туралы деректің болмауы немесе хабарлау мерзімін сақтамау;
15) тексерулердің жүргізу тəртібі мен жағдайларын реттейтін нормативтік құқықтық актілер
талаптарының бұзылуы.
12. Мемлекеттік тіркеу субъектісіне тексеру тағайындау туралы актіні тіркеуден негізсіз бас тар-
туы жоғарыда тұрған құқықтық статистика жəне арнайы есепке алу органына немесе сотқа
шағымдалуы мүмкін.
13. Тексеру қоғамдық тəртіпке, халықтың денсаулығына жəне Қазақстан Республикасының
ұлттық мүдделеріне төнген қауіп-қатерді тез арада жоюды талап ететін қалыптасқан əлеуметтік-
экономикалық жағдайға байланысты туындаған ерекше жағдайларда, сондай-аќ заңнаманың
бұзылуын олардың тікелей жасалуы сəті кезінде алдын алу мақсатында жəне дəлелдемелерді бекіту
үшін шұғыл əрекет жүргізу үшін жұмыс уақытынан тыс мерзімде (түнде, демалыс немесе мереке
күндерінде) тексеру жүргізу кезінде, тексеру жүргізудің өзге де шарттарын реттейтін Қазақстан Рес-
публикасымен ратифицирленген халықаралық келісімдерге сəйкес тексеру жүргізу барысында тексеру
тағайындау туралы актіні тіркеу, тексеру басталғаннан соң келесі жұмыс күні ішінде жүргізіледі.
14. Тексеру мерзімдерін тоқтату немесе жаңғырту туралы, сонымен қатар тексеруге қатысатын
тұлғалардың құрамы өзгерген кезінде мемлекеттік тіркеу субъектісі құқықтық статистика жəне ар-
найы есепке алу органына тексерудің тоқтатуына немесе қайта жаңғыруына дейін бір күн бұрын
енгізілген өзгерістер мен толықтырулар туралы ескертпені жолдайды.
Сонымен қатар, ескертпеде құқықтық статистика жəне арнайы есепке алу органының журналы
бойынша тексеру тағайындау туралы актінің нөмірі жəне тіркеу күні, тексерілуші объектінің толық
атауы жəне орналасқан жері, тексерудің тоқтатылған, жаңартылған күні немесе тексеруге қатысушы
тұлғалар құрамының өзгеруі көрсетіледі.
Тексеру мерзімі ұзартылған, тексеру мерзімдерін қайта жаңғыртқан жағдайда, сондай-ақ тексе-
руге қатысушы адамдар құрамын өзгерткен кезде мемлекеттік тіркеу субъектісі құқықтық статистика
жəне арнайы есепке алу органында тексеру тағайындау туралы акті нөмірімен, тіркелген күнімен,
құжаттардың келіп түскен күніне сəйкес келетін тексеруді ұзарту туралы актіні тексерудің аяқталу
мерзімінен кешіктірмей рəсімдейді.
Бұл ретте, тексеру тағайындау, тоқтату, қайта жаңғырту немесе тексеру мерзімдерін ұзарту
жөніндегі актілерді тіркеу тəртібі, сондай-ақ салық органдары жүзеге асыратын тексеруге қатысатын
тұлғалардың құрамын өзгерту Қазақстан Республикасының Салық кодексімен анықталады.
Тіркеу тексеруді ұзарту туралы актіде құқықтық статистика жəне арнайы есепке алу органының
тіркеуді тағайындау туралы актіні тіркеу туралы мөртабанмен тексеруді жүзеге асырған қызметкердің
тегі, аты-жөні көрсетіліп, қолы қойылып нақтыланады.
15. Тіркеу субъектісі Қазақстан Республикасының Салық кодексінде көзделген жағдайларды
қоспағанда тексеру аяқталуы бойынша үш жұмыс күні ішінде құқықтық статистика жəне арнайы
есепке алу органына №1-П нысанды есепке алу карточкасына талон-қосымшаны, егер электронды
тіркелген жағдайда, оның электронды форматын ұсынады.
Мемлекеттік тіркеу субъектісі тағайындаған тексеруді жүргізуден бас тартқан, прокурордың не-
месе соттың шешімі бойынша тексеруді оның аяқталуына дейін тоқтатқан жағдайда, мемлекеттік
тіркеу субъектісі ол туралы шешім қабылданғаннан соң үш жұмыс күні ішінде құқықтық статистика
жəне арнайы есепке алу органына ескертпе жолдайды.
16. Құқықтық статистика жəне арнайы есепке алу органында тіркелген тексеруді өткізбеу
жағдайында, мемлекеттік тіркеу субъектісі тексерудің өткізілмеу себебін көрсету арқылы ескертпе
жасайды.
Ескертпе құқықтық статистика жəне арнайы есепке алу органына тексеру тағайындау туралы
актіде көрсетілген тексерудің нақты аяқталған сəтіне дейін үш жұмыс күнінен кешіктірілмей
ұсынылады.
17. Құқықтық статистика жəне арнайы есепке алу органы тұрақты түрде тексерулер мерзімде-
рінің ұзартылуына, тоқтатылуына жəне жаңғыртылуларына есепке алуды жəне бақылауды жүргізеді.
18. Мемлекеттік тіркеу субъектілері құқықтық статистика жəне арнайы есепке алу органында
тіркелген актілер жəне жүргізілген тексерістер бойынша салыстыруды тоқсанда бір реттен кем емес
жүргізеді.
Орталық мемлекеттік органдар жүргізген тексерулер бойынша салыстырып тексеру құқықтық
статистика жəне арнайы есепке алу орталық органында жүргізіледі.
Салыстыру құқықтық статистика жəне арнайы есепке алу органының басшысы бекіткен кесте
бойынша жүргізіледі.
Салыстырулардың уақтылы өткізуін бақылау мемлекеттік тіркеу субъектісі басшысына
жүктеледі.
Салыстырудың аяқталуы бойынша акті жасалады.
Салыстыру актісінде бейнеленуге мынадай мəселелер жатады:
1) салыстыру жүргізудің уақытылығы;
2) тіркелуінен бас тартылған тексерулерді тағайындау туралы актілердің саны;
3) тексерулерді тағайындау туралы тіркелген актілердің саны;
4) тексерулердің түрлері бойынша бөлумен, тіркелген актілер бойынша жүргізілген
тексерулердің саны;
5) ұзарту туралы актілерді, тексерулер мерзімдерінің тоқтатылуы мен жаңғыртылуы туралы
ескертпелердің уақытылы ұсынылуы;
6) есепке алу үшін талон-қосымшалардың уақытылы ұсынылуы;
7) жүргізілмеген тексерулерді есептен алу туралы ескертпенің уақытылы ұсынылуы;
8) көрсетілген деректемелерге сəйкес Журналға енгізілген мəліметтердің есепке алуының
толықтығы.
Салыстыру актісіне салыстыруды жүргізген құқықтық статистика жəне арнайы есепке алу орга-
ны жəне мемлекеттік тіркеу субъектісі қызметкерлері қол қояды жəне көрсетілген органдардың бас-
шылары бекітеді.
Салыстыру актісі екі данада жасалады, оның бір данасы құқықтық статистика жəне арнайы
есепке алу органында қалады, екінші данасы салыстыру жүргізген мемлекеттік тіркеу субъектісінің
лауазымды тұлғасына беріледі.
19. Егер салыстыру немесе мемлекеттік тіркеу субъектілерінде тексеру жүргізу барысында
тіркеуден өтпеген тексеру тағайындау туралы актіні, немесе тексеру тағайындау туралы актіні
шығармай жүргізілген тексерулер анықталған жағдайда, мемлекеттік тіркеу субъектісі алдын ала
өзінің тіркеу журналында тиісті жазу жазып, олардың анықтаған сəттен бастап үш жұмыс күні ішінде
құқықтық статистика жəне арнайы есепке алу органына тіркелмеген тексерулерге толтырылған №1-П
нысанды есепке алу каточкаларын жəне талон-қосымшаларды ұсынады.
20. Жоғары тұрған прокурор азаматтардың жəне (немесе) заңды тұлғалардың шағымдары бой-
ынша немесе тіркелген актілер бойынша мемлекеттік тіркеу субъектісі жіберген Қазақстан
Республикасының заңнамасын бұзушылық анықталған жағдайда өз бастамасымен оларды тіркеу
күшін жоя алады.
3. Тексерулерді есепке алудың Бірыңғай жүйесін енгізу.
21. Мемлекеттік тіркеу субъектілері тексерулерді есепке алудың Бірыңғай жүйесінің
қалыптасуына қатысады.
Осы мақсатта олар тұрақты жəне үзіліссіз түрде ведомстволық тексерулердің, сонымен қатар
тексеру парақтарына сəйкес анықталған бұзушылықтар жəне олар бойынша қабылданған əкімшілік
əрекеттегі қабылданған шараларды есепке алу жүйесін құрады.
Тексерулерді есепке алудың ведомстволық автоматтандырылған жүйесі болмаған жағдайда,
мемлекеттік органдардың тексерулерді мемлекеттік тіркеуді жүзеге асыру барысындағы қарым -
қатынасы құқықтық статистика жəне арнайы есепке алу органының Интернет-ресурсы арқылы
жүргізілуі мүмкін.
Құқықтық статистика жəне арнайы есепке алу органының тексерулерді есепке алу жүйесі мен
тексерулерді есепке алу ведомстволық жүйесінің біріктірілуі, сондай ақ тұтастық жəне біріңғайлық
принципін сақтау негізінде мемлекеттік органдардың тексерулерді мемлекеттік тіркеу барысында
құқықтық статистика жəне арнайы есепке алу органының Интернет-ресурсы арқылы қарым-
қатынасты ұйымдастыру тексерулерді есепке алудың Бірыңғай жүйесін құрайды.
Тексеру тағайындау туралы актілер, №1-П нысанды есепке алу каточкалары, талон-қосымшалар
мəліметтері негізінде құқықтық статистика жəне арнайы есепке алу органы мемлекеттік органдар
жүргізетін тексерулер туралы Бірыңғай мемлекеттік деректер банкін жүргізеді.
22. Тексерулерді есепке алудың Бірыңғай жүйесінде құқықтық статистика жəне арнайы есепке
алу органы мен мемлекеттік органның толық электронды өзара қарым-қатынасқан жағдайда, тексеру
тағайындау туралы акті, №1-П нысанды есепке алу каточка, талон-қосымша қағаз жеткізгіште
құқықтық статистика жəне арнайы есепке алу органына ұсынылмайды.
Тексерулерді есепке алудың бірыңғай жүйесінде электрондық өзара əрекеттестікті жетілдіру ша-
расы бойынша тексеру тағайындау туралы актісі, №1-П нысанды есепке алу карточкасы, талон-
қосымша, қағаздағы тексеру жүргізу жоспарлары құқықтық статистика жəне арнайы есепке алу
жөніндегі органның келісуі бойынша ұсынылмауы мүмкін;
Тексеру тағайындау туралы актіні, №1-П нысанды есепке алу каточкасын, талон-қосымшаны
ұсынудың электрондық форматын құқықтық статистика жəне арнайы есепке алу органы айқындайды.
23. Заңға сəйкес бекітілген тексерулерді жүргізу жоспарлары осы Ереженің 6-қосымшасына
сəйкес кесте түрінде ресімделеді жəне қағаз жəне электрондық форматта ұсынылады.
Жоспарда мемлекеттік органның атауы, реттік нөмірі, тексеру объектісінің атауы, жеке
сəйкестендіру нөмірі (бұдан əрі – ЖСН) немесе бизнес сəйкестендіру нөмірі (бұдан əрі – БСН), шағын
кəсіпкерлік субъектісінің мемлекеттік тіркелу күні, оның орналасқан жері немесе қызметті жүзеге
асыру орны көрсетіледі.
Тексерулерді жүргізу жоспарына енгізілген мəліметтердің дұрыс, тұтас, объективті жəне
жеткілікті болуын қамтамасыз ету мемлекеттік органның басшысына жүктеледі.
4. №1-П нысанды есепке алу карточкасын жəне талон-қосымшаны толтыру тəртібі.
24. №1-П нысанды есепке алу карточкасының жəне талон-қосымшаның деректемелерін
тексеруді жүзеге асырушы тұлға баспа əріптермен, қысқартуларсыз толтыруы тиіс.
№1-П нысанды есепке алу карточкасының оң жағында орналасқан сандық ақпараттық
көрсеткіштерде құқықтық статистика жəне арнайы есепке алу органы берген кодтық белгі нөмірлері
қойылады.
1) 1-тармақта тексеруді тағайындаған мемлекеттік органның атауы бейнеленеді;
2) 2-тармақта тексеруді жүргізген органның деңгейлік мəртебесі: республикалық – 1; облыстық –
2; қалалық – 3; аудандық – 4; ауылдық – 5 кодтау арқылы көрсетіледі;
3) 3-тармақта тексерілуші объектінің атауы, оның орналасқан жері көрсетіледі;
4) 3.1. тармақта тексеру объектісінің тəуекел тобының коды: жоғары тəуекел тобы – 1, орташа
тəуекел тобы – 2, төмен тəуекел тобы – 3 көрсетіледі;
5) 4-тармақта тексеру объектісі: 1-жеке тұлға, 2- заңды тұлға, 3-жеке кəсіпкерлік субъектісі, со-
нымен қатар: 4-кіші кəсіпкерлік, 5-орта кəсіпкерлік, 6-ірі кəсіпкерлік, 7-мемлекеттік мекемелер, соны-
мен қатар: 8-мемлекеттік орган, 9-мемлекеттік кəсіпорындар, 10-коммерциялық емес ұйымдар
көрсетіледі;
6) 5-тармақта тексеру түрі кодтау жолымен (ХХХ): 1ХХ-жоспарлық, 2ХХ-жоспардан тыс: (оның
ішінде: 01- кешенді, 02- тақырыптық, 03 – хронометражды зерттеу) көрсетіледі;
7) 5.1 тармақта Заңның 16-бабы 7-тармағында көзделген жоспардан тыс тексерулердің негізі
көрсетіледі: 1 – басқа да бақылау жəне қадағалау нысандарының нəтижелері бойынша анықталған
бұзушылықтарды жою туралы ұйғарымның (қаулының, ұсыныстардың, хабарламалардың) орындалу-
ын бақылау (Заңның 16-бабы 7-тармағы 1-тармақшасы); 2 – жеке жəне заңды тұлғалардан,
мемлекеттік органдардан, Қазақстан Республикасы Парламентінің депутаттарынан жəне жергілікті
өкілетті органдардан адам өміріне, денсаулығына, қоршаған ортаға жəне жеке жəне заңды
тұлғалардың, мемлекеттің заңды мүдделеріне елеулі зақым келтіру туралы не зақым келтіру қаупі ту-
ралы ақпарат пен жүгінуді алу (Заңның 16-бабы 7-тармағы 2-тармақшасы), солардың ішінде 01 –
жоғары тұрған органдардың тапсырмасы, 02 – басқа мемлекеттік органдардың тапсырмасы мен
жүгінуі, 03 – үшінші адамдардың шағымдары мен жүгінулері; 3 – тексеруді жүзеге асыру үшін
қажетті ақпаратты алу мақсатында тексерілуші субъект азаматтық-құқықтық қарым-қатынаста болған
үшінші адамдарға қатысты қарсы тексеру (Заңның 16-бабы 7-тармағы 3-тармақшасы); 4 –
тексеруобъектісінің оның қызметіне тексеру жүргізу туралы бастама жүгінуі (Заңның 16-бабы
7-тармағы 4-тармақшасы); 5 – тексеру объектісін егер оған жоспарлы тексеру белгіленсе, қайта құру
жəне атауын өзгерту (Заңның 16-бабы 7-тармағы 5-тармақшасы); 6 –алғашқы тексеруге келіспеуі ту-
ралы тексеру объектісінің жүгінуіне байланысты қайтадан тексеру (Заңның 16-бабы 7-тармағы
6-тармақшасы); 7 – Қазақстан Республикасының Қылмыстық-іс жүргізу кодексінде көзделген негіздер
(Заңның 16-бабы 7-тармағы 1-тармақшасы); 8 – салық төлеушілердің жүгінуі, Қазақстан
Республикасының Салық кодексі 627-бапта белгіленген мəліметтер мен мəселелер (Заңның 16-бабы
7-тармағы 8-тармақшасы); 9 – тексерілетін субъектінің қызметін жүзеге асыруды немесе «Əкімшілік
рəсімдер туралы» Қазақстан Республикасы Заңының 16-бабы 7-тармағында (9-тармақша) белгіленген
іс-əрекеттерді бастағаны туралы хабарлауды ұсынуы;
8) 8-тармақта тексеру мəселесі, яғни, нормативтік құқықтық акті нормаларының сақталуы,
тексерілуге тиісті талаптары көрсетіледі;
9) 9-тармақта тексеру объектісінің қызмет түрі көрсетіледі;
10) 10-тармақта тексеру объектісінің СТН көрсетіледі (шаруашылық жүргізуші субъектілер үшін);
11) 11-тармақта тексеру объектісінің салық төлеушісінің тіркеу нөмірі (ЖСН/БСН болмаған
жағдайда);
12) 12-тармақта тексеру тағайындау туралы актінің нөмірі көрсетіледі;
13) 13-тармақта тексеру тағайындау туралы актінің шыққан күні көрсетіледі;
14) 14-тармақта тексеруді жүзеге асырған тұлғаның (тұлғалардың) тегі, аты, əкесінің аты
(Т.А.Ə.), лауазымы, қолы қойылады;
15) 15-тармақта тексеру жүргізу мерзімі көрсетіледі;
16) 16-тармақта тексерілетін кезең көрсетіледі;
17) 17-тармаққа тексеруді ұзарту мерзімінің аяқталу күні енгізіледі;
18) 18-тармақта тексерудің тоқтатылған күні көрсетіледі;
19) 19-тармақта тексерудің жаңартылған күні көрсетіледі;
20) 20-тармақта жүргізілмеген тексерістің есептен алынған күні көрсетіледі;
21) 21-тармақта, тексеру тағайындау туралы актінің тіркеуден бас тартылғанда, Ереженің
13-тармағының тиісті тармақшасы көрсетіледі;
22) 22-тармақта 1 (2)-есептік кезеңде тіркелусіз жүргізілген, 3 (4) – есептік кезеңде
жүргізілгендер қатарынан тексеріс тағайындау туралы актінің шығарылуысыз (өткен кезеңдер)
жүргізілген тексерулер туралы мəліметтер бейнеленеді;
23) 23-тармақ 1-прокуратурамен, 2-ҚСжАЕК органдарымен, 3-мемлекеттік орган бастамасымен
анықталған заңсыз тексерулер саны көрсетіледі;
24) 24, 25, 26, 27 жəне 28 тармақтар құқықтық статистика жəне арнайы есепке алу жөніндегі
органның кодын, №1-П нысанды есепке алу карточкасының келіп түскен күнін, реттік нөмірін,
құқықтық статистика жəне арнайы есепке алу жөніндегі органның №1-П нысанды есепке алу карточ-
касын қабылдаған қызметкерінің Т.А.Ə., лауазымы мен қолын кірістіреді;
25. Тексеру нəтижелері бойынша құқықтық статистика жəне арнайы есепке алу органдарына
тексеру аяқталғаннан соң үш жұмыс күнінен кешіктірілмей ұсынылатын Ереженің 6-қосымшасына
сəйкес талон-қосымша толтырылады.
1) 1-тармақта тексеру тағайындаған мемлекеттік орган атауы көрсетіледі;
2) 2-тармақта мемлекеттік органның тексеру тағайындау туралы актісінің нөмірі, оның
шығарылған күні көрсетіледі;
3) 3- тармақта құқықтық статистика жəне арнайы есепке алу органында мемлекеттік тіркелген
күні жəне нөмірі көрсетіледі;
4) 4-тармақта тексеру объектісінің атауы, оның орналасқан жері көрсетіледі;
5) 5 жəне 6 тармақтарда тексерудің басталу жəне аяқталу күндері көрсетіледі;
6) 7-тармақта тексеру нəтижелері көрсетіледі: 1-бұзушылықтар анықталған жоқ; 2-бұзушы-
лықтар анықталды;
7) 8-тармақта кімнің құқықтары қорғалғаны көрсетіледі: 1-жеке тұлғаның, 2-жеке кəсіпкерлік
субъектінің, сонымен қатар: 3-кіші кəсіпкерлік, 4-орта кəсіпкерлік, 5-ірі кəсіпкерлік, 6-мемлекеттік
мекеме, 7-мемлекеттік кəсіпорын, 8-коммерциялық емес ұйым;
8) 9-тармақта тексеру материалдарын шешім қабылдау үшін жолдау туралы мəліметтер
көрсетіледі: 1-мемлекеттік органға, 2-прокуратураға, 3-сотқа;
9) 10-тармақта материалдарды жолдаған күн белгіленеді;
10) 11-тармақта талаптары бұзылған нормативтік құқықтық актілер нормалары белгіленеді;
11) 12-тармақта объектіні тексерудің нəтижелер көрсетіледі: тоқтатылған-1, тыйым салынған-2;
12) 13-тармақта, тексеріс, оны аяқтағанға дейін тоқтатқандығы көрсетіледі: 1-мемлекеттік орган,
2-сот, 3-прокурор;
13) 14-тармақта тексеруді жүзеге асыратын тұлғаның Т.А.Ə., лауазымы, қолы, қызметтік телефо-
ны көрсетіледі;
14) 15-тармақта құқықтық статистика жəне арнайы есепке алу органына талон-қосымшаның
келіп түскен күні көрсетіледі;
15) 16-тармақта талон-қосымшаны қабылдаған құқықтық статистика жəне арнайы есепке алу ор-
ганы қызметкерінің Т.А.Ə., лауазымы, қолы көрсетіледі.
26. Талон-қосымшаны ұсыну тексеруді аяқталған ретінде есептеуге негізі болып табылады.
27. Енгізілген мəліметтердің шынайлығын, толықтығын, объективтілігін жəне дəйектігін
қамтамасыз ету мемлекеттік органның басшысына жəне осы құжаттарды толтырған тұлғаға
жүктеледі.
Қазақстан Республикасының мемлекеттік органдары жүзеге асыратын тексерулерді
тағайындау туралы актілерді тіркеу журналын толтыру тəртібі
28. Журнал бірыңғай үлгідегі құжат болып табылады, құқықтық статистика жəне арнайы есепке
алу органымен жəне мемлекеттік тіркеу субъектілерімен жүргізіледі.
29. Журнал нөмірленген, тігілген жəне мөрмен куəландырылған болуы тиіс. Жазбалар толық,
нақты, ұқыпты енгізіледі, түзетулерге жəне тазартуларға жол берілмейді. Қателескен жазбалар
ескертіледі жəне жауапты тұлғаның қолымен куəландырылады.
1) Журналдың 1-бағанда ақпараттық есепке алу құжатының реттік нөмірі көрсетіледі;
2) 2-бағанда тексеру тағайындау туралы актінің, №1-П нысанды есепке алу карточкасының
тіркелу күні мен уақыты көрсетіледі, сонымен қатар құжаттарды тапсырған мемлекеттік тіркеу
субъектісінің лауазымды тұлғасының қолы қойылады.
3) 3-бағанда мемлекеттік тіркеу субъектісінің тексеру тағайындау туралы актісінің нөмірі жəне
оның шығару күні көрсетілуге жатады;
4) 4-бағанда мемлекеттік тіркеу субъектісінің атауы, тексеруді тағайындаған тұлғаның лауазымы
жəне Т.А.Ə. бейнеленуге жатады;
5) 5-бағанда тексеру объектісінің атауы, оның орналасқан жері, шаруашылық жүргізуші
субъектінің СТН, (ЖСН, БСН) бейнеленуге жатады;
6) 7-бағанда тексеру объектісімен жүзеге асырылатын қызмет түрі бейнеленеді;
7) 5-бағанда тексеруді жүзеге асырған тұлғаның (тұлғалардың) Т.А.Ə. жəне лауазымы
көрсетіледі;
8) 8-бағанда тексеру түрі бейнеленеді;
9) 9-бағанда тексеру негізі көрсетіледі;
10) 10-бағанда тексеру өткізу мерзімі бейнеленеді;
11) 11-бағанда тексеру мерзімнің ұзартылуы немесе тексерудің тоқтатылуы жəне жаңартылуы
туралы белгі қойылады;
12) 12-бағанда құқықтық статистика жəне арнайы есепке алу органына талон-қосымшаның
ұсынылған күні көрсетіледі, сонымен қатар талон-қосымшаны тапсырған мемлекеттік тіркеу
субъектісінің лауазымды тұлғасының қолы қойылады;
13) 13-бағанда тағайындалған тексерулердің өткізілмеу негіздері жəне шешім қабылданған күні
көрсетіледі: 1-кіші бағанда есептен алынған өткізілмеген тексерулер, 2-кіші бағанда тіркеуден бас
тартылған тексеру тағайындау туралы актілер бейнеленеді.
30. Есепке алуды тиісті жүргізуді қамтамасыз ету мақсатында, мемлекеттік тіркеу субъектісінде
Журналды жүргізу жауапты лауазымды тұлғаға жүктеледі.
Журналдың жүргізілуі жəне сақталуы туралы талаптардың қамтамасыз етілуіне бақылау жүргізу
мемлекеттік тіркеу субъектісінің басшысына жүктеледі.
31. Ақпараттық есепке алу құжаттарын бланкілерімен жəне журналдармен қамтамасыз ету
мемлекеттік тіркеу субъектілеріне жүктеледі.
5. «Қазақстан Республикасы мемлекеттік органдары жүзеге асыратын тексерулерді тағайындау
туралы актілерді тіркеу туралы» №1-П нысанды есептердің ұсынылу тəртібі мен мерзімдері.
32. №1-П нысанды есепке алу карточканың жəне талон-қосымшаның негізінде құқықтық стати-
стика жəне арнайы есепке алудың аумақтық органдары Ереженің 7-қосымшасына сəйкес «Қазақстан
Республикасының мемлекеттік органдары жүзеге асыратын тексерулерді тағайындау туралы актілерді
тіркеу туралы» №1-П нысанды есепті (бұдан əрі – №1-П нысанды есеп) жасайды.
Аймақ бойынша №1-П нысанды жиынтық есепке жəне əр