Саясат • 08 Қараша, 2019

Сарапшылық кеңестің отырысы өтті

31 реткөрсетілді

Президенттің көмекшісі – Қазақстан Республикасы Қауіпсіздік Кеңесінің хатшысы Қалмұханбет Қасымовтың төрағалығымен «Қазақстан Республикасының азық-түлік қауіпсіздігінің өзекті мәселелері» бойынша Қауіпсіздік Кеңесі жанындағы Сарапшылық кеңесінің отырысы өтті, деп хабарлады Президенттің баспасөз қызметі.

Отырыста еліміздегі азық-түлік қауіпсіздігіне жауапты мемлекеттік органдардың бас­шылары, Тамақтану акаде­мия­сының, БҰҰ-ның Қазақстан­дағы Азық-түлік және ауыл шаруашылығы ұйымы Байла­ныс және серіктес бюросы­ның, Ислам азық-түлік қауіпсіз­дігі ұйымының, «Қазақ агроөнер­кәсіптік кешені экономикасы жә­не ауыл-аймақтарды дамыту ғылыми-зерттеу институты­ның», Қазақстанның стратегия­лық зерттеу институтының, Эконо­микалық зерттеу институ­ты­ның, «Астана» халықаралық университетінің жетекші ға­лымдары мен сарапшылары, сондай-ақ «Атамекен» ұлттық кәсіпкерлер палатасының және «Қазақстанның фермерлер одағының» өкілдері қатысты.

Қалмұханбет Қасы­мов ха­лықтың денсаулы­ғына, әлеу­меттік қамсызданды­ры­луына және экономикалық дамуына үлкен әсер ететін азық-тү­лік қауіпсіздігін қамтамасыз ету проблемасына кешенді пысық­тау жұмыстарын жүргізу қажет екеніне ерекше назар аударды.

Қазақстандық сарапшылар азық-түлік қауіпсіздігінің жан-жақты аспектілерін тал­қылады, соның ішінде азық-түліктің қолжетімділігі, азық-түлік өнімдерінің сапасы мен қа­уіпсіздігі мәселелері де қарал­ды.

Ауыл шаруашылығы ми­нистрі Сапархан Омаров ішкі нарықты азық-түліктің негізгі өнімдерімен қамтамасыз ету, оның ауқымын арттыру және елде ауыл ша­руашылығы өнім­дерін өндіруді дамыту бойынша атқарылып жатқан жұмыстардың негізгі ба­ғыттарын баяндады.

Бизнес-қауымдастықтың өкіл­дері мен сарапшылар азық-түлік қауіпсіздігінің жә­не тиісті бағдарламалық құжат­тар­дың шарттарын өзектендіру, азық-түлік импортын реттейтін құ­ралдарды жетілдіру секілді мәсе­лелер жайында өз пікір­лерімен бөлісті.

Денсаулық сақтау министрі Елжан Біртанов тамақ өнім­дерінің қауіпсіздігін қамтамасыз ету, мониторинг пен бақылауды жетілдіру бойынша жүргізілетін жұмыстар жөнінде хабарлады.

Сарапшылар тамақ өнімдері қауіп­сіздігінің сапасын арттыру бойынша шаралардың, ха­лықтың тамақтану сапасын бақылайтын мониторинг жүйе­сін енгізудің және оңтайлы та­мақ­­тану бойынша ұлттық шек­­теулерді пысықтаудың қажет­­тілігі туралы атап айтты.

Отырыстың нәтижесі бо­йынша Қауіпсіздік Кеңесіне ар­налған азық-түлік қауіпсіздігі саласында мемлекеттік саясатты жетілдіруге бағытталған ұсыныстар пысықталды.

 

Соңғы жаңалықтар

Мырқымбай

Әдебиет • Кеше

Қаламгермен кездесті

Әдебиет • Кеше

Қарашадағы қоңыр өлең

Аймақтар • Кеше

Ақша аударымын тексереді

Экономика • Кеше

17,5 мың құйма алтын сатылды

Экономика • Кеше

Алтыншы раундта жеңді

Кәсіпқой бокс • Кеше

Ұқсас жаңалықтар