Аймақтар • 11 Қараша, 2019

Мәжілісмендер Ақтаудағы әскери бөлімдерге барды

56 реткөрсетілді

Парламент Мәжілісінің депутаттары Ақтау гарнизонының бірқатар әскери нысанын аралады. Шара Халықаралық істер, қорғаныс және қауіпсіздік комитетінің көшпелі отырысы шеңберінде ұйымдастырылды. Бұл туралы «Батыс» өңірлік қолбасшылығы Басқармасының баспасөз қызметінен капитан Рустем Игисинов хабарлады.

Күн тәртібінде Қарулы Күштердің, басқа да әскерлер мен әскери құралымдарының базалары мен қоймаларында қару-жарақ пен оқ-дәрілердің қауіпсіздігі мен сақталуын қамтамасыз ету, сақтау объектілерін орналастыру және жайластыру бағдарламасын іске асыру мәселелері талқыланды.

Қорғаныс министрінің орынбасары, генерал-майор Бақыт Құрманбаев оқ-дәрілерді сақтаудың жалпы жүйесі және оның даму перспективалары, әскери объектілердің инфрақұрылымын жетілдіру, сондай-ақ Арыс қаласында төтенше жағдайларды жою мен қалған оқ-дәрілерді орналастыру жұмыстары туралы айтып берді.

- Техникалық науқан жоспары аясында сақтау объектілерінде қоймаларға, аумақты жарықтандыруға, техникалық күзет құралдарына жыл сайынғы қызмет көрсету, ашық сақтау қоймалары мен алаңшаларды құлату, бастырмаларды, найзағайдан қорғау құрылғыларын орнату, техникалық аумақтардағы өрт сөндіру су қоймаларын орнату, жарамсыз оқ-дәрілердің тығындарын алу және ауыстыру жұмыстары жүргізілуде, - деді ол.

Оқ-дәрілерді сақтау жүйесін дамыту үшін Қарулы Күштерде оқ-дәрілер мен сақтау нысандарын жүзеге асыратын бағдарлама мен кешенді жоспар құрылды. Олар қолданыстағы оқ-дәрілерді сақтау объектілерін жайластыруды және шет елдердің тәжірибесін ескере отырып, жаңаларын салуды көздейді. Сақтау объектілері шекарадан алыстығы, елді мекендер мен басқа да объектілерден, сондай-ақ басқа да қоймалардан қауіпсіз қашықтықта орналасуы сияқты талаптарға жауап беретін болады.

Ақтау гарнизонының әскери бөлімдерінде Парламент депутаттарына қару-жарақ, әскери техника мен мүліктерді сақтаудың, арнайы медициналық құралдар базасының шарттары, сонымен қатар ҚР ҚК әскери-теңіз күштерінің кемелері көрсетілді.

Әскери нысандардың инфрақұрылымымен танысып, депутаттар айтылған проблемалық мәселелерді және оларды шешу жолдарын талқылады. Қару-жарақ пен оқ-дәрілерді сақтау объектілерін көшіру және жайластыру бағдарламасының аралық қорытындыларын атап өтті. Көшпелі отырыс барысында айтылған сындарлы ұсыныстар заңнаманы жетілдіру аясында көрініс табатыны айтылды.

Отырысқа Қорғаныс министрлігі, Ұлттық ұлан, Шекара қызметі, Төтенше жағдайлар комитеті, Бас әскери прокуратура және облыс әкімдігінің басшылары қатысты.

Соңғы жаңалықтар

Таразда су тарифі көтеріледі

Аймақтар • Бүгін, 16:40

Ауыр атлеттер Катарға аттанады

Ауыр атлетика • Бүгін, 12:08

Жақсы ауданындағы жақсы істер

Аймақтар • Бүгін, 11:49

Көпбалалыларға көмек

Аймақтар • Бүгін, 11:41

Күлкі керуені № 22

Руханият • Бүгін, 09:45

Фариза ақынның ұстазы

Руханият • Бүгін, 07:41

Армениямен ынтымақтастық дамиды

Парламент • Бүгін, 07:37

Ұқсас жаңалықтар