"Ядролық қаруды таратпау жүйесін кеңейту әлемдік ядролық державалармен жұмыс істеудің жаңа жағдайларына алып келеді. Нәтижесінде ядролық қаруды таратпау туралы жаңа шарттарды қамтамасыз ету қажет", - деді ол.
Көптеген елдер қарусыздану мәселесі шеңберінде қолданыстағы ережелер мен нормаларға сенбейді. Спикердің айтуынша, ядролық қарусыздану жөніндегі жаңа стратегияларды әзірлеу қажет.
11-12 қараша күндері "Назарбаев орталығында" саяси форум форматында беделді халықаралық пікірталас алаңы - "Астана клубының" бесінші отырысы өтуде. Іс-шараға әлемнің 50-ден астам топ саясаткерлері, Еуразия зияткерлері мен халықаралық қатынастар саласындағы үздік мамандар қатысуда.
Негізгі спикерлер қатарында Ауғанстан Президенті Хамид КАРЗАЙ, Словения Президенті Данило Тюрк, Нобель сыйлығының лауреаты (2005), МАГАТЭ Бас директоры (2013-2014) Мохаммед Эль-Барадеи, JP Morgan Chase Басқарма Төрағасы, International төрағасы Джейкоб ФРЕНКЕЛЬ, Ресей стратегиялық зерттеулер институтының директоры, РФ үкіметінің төрағасы (2004-2007), РФ Сыртқы барлау қызметінің директоры (2007-2016) Михаил Фрадков және т.б. бар.
Отырыстың күн тәртібінде – қауіпсіздіктің өзекті және Үлкен Еуразияның стратегиялық болашағы мәселелері. Бес сессия шеңберінде клуб қатысушылары Еуразия елдері мен халықтарының дамуындағы аса өткір проблемалық трендтерді, өңірлік ынтымақтастық үшін жаңа мүмкіндіктерді, сондай-ақ болашақ контуры мен сценарийлерін талқылайды.
Тұжырымдамалық тұрғыда барлық пікірталастар басты мәселе – үлкен Еуразияда ынтымақтастықтың жаңа архитектурасын құру төңірегіне шоғырланған.
Іс-шара аясында "2020 жылы Еуразия үшін Топ - 10 тәуекел" рейтингінің кезекті шығарылымы – Әлемдік экономика және саясат институты Астана клубының қамқорлығымен шығарылатын әлемнің жетекші сарапшыларының стратегиялық форсайты таныстырылды.
Клубтың ұйымдастырушылары – Қазақстан Республикасының Тұңғыш Президенті – Елбасы Қоры және қор жанындағы Әлемдік экономика және саясат институты.
