Кәсіпқой бокс • 13 Қараша, 2019

Жерлестеріміз жоғарылады

169 рет
көрсетілді
1 мин
оқу үшін

АҚШ-тың Фресно қаласында ка­на­­­далық Альберт Онолуносені ұрып жыққан қазақ кәсіпқой бокс­шы­сы Жәнібек Әлімханұлы WBC рей­тин­гінде бір сатыға жоғарылады.

Жерлестеріміз жоғарылады

Орта салмақта өнер көрсететін қазақ­стандық қазіргі кезде 15-орынды иеленуде. Ал BoxRec тізімінде Әлімханұлы бірден 11 сатыға жоғарылап, бұл күндері 55 орынға тұрақтады. Сонымен қатар жуық арада әлемнің әр қиырында өткен бокс кештерінде табысты өнер көрсетіп жүрген басқа да қазақстандық былғары қолғап шеберлері WBC-тің жаңартылған рейтингіндегі жағдайларын біршама жақсартты.

Атап айтсақ, бүгінгі таңда өз салмақ дәрежелері бойынша Батыр Жүкенбаев – 12, Әли Ахмедов –14, Виктор Коточигов – 22, Қанат Ислам – 23, Мейірім Нұрсұлтанов – 25, Садриддин Ахмедов – 27, Нұрсұлтан Жанабаев – 30, Айдос Ербосынұлы – 33 және Мадияр Әшкеев 39 сатыларға жайғасты.