23 жастағы Мунгия рингке 2020 жылдың 11 қаңтарында Сан-Антониода (Техас штаты, АҚШ) оралады. Бұл кездесуде мексикалық боксшы чемпиондық белдігін алтыншы рет қорғайды. Қарсыласы әзірше белгісіз. 30 қарашада WBO рейтингінде бірінші орында тұрған Карлос Адамес пен екінші орындағы Патрик Тейшейра арасындағы кездесуде Мунгияның қарсыласы анықталуы керек болатын. Бірақ бұл жекпе-жектің жеңімпазы қаңтарда чемпионға қарсы шыға алмайтыны белгілі болды.
Осыған байланысты Boxingnews24.com басылымы Мунгияның ықтимал қарсыластарының тізімін жасап шықты. Тізімде Қанат Исламнан бөлек Джефф Хорн, Уолтер Каутондоква, Лиам Уильямс, Имманувел Алим, кіші Уго Сентено, Энтони Фаулер, Брэндон Адамс бар.
