Парламент • 22 Қараша, 2019

Сенатор Сәуле Айтпаева тегін адвокаттар телефонын көтермейтінін айтты

36 реткөрсетілді

Сенаттың Конституциялық заңнама, сот жүйесі және құқық қорғау органдары комитетінде болған дөңгелек үстел барысында адвокаттардың қызметі мен заң көмегін көрсету мәселелері талқыланды. Бұл туралы Парламент палатасының баспасөз қызметі хабарлады. 

Комитет төрағасы Владимир Волковтың айтуынша, бүгінде адвокаттардың жұмысын реттейтін шаралар болмай отыр. Депутаттар уәкілетті орган тарапынан мемлекеттің заң көмегін ұсынуы бойынша бюджет қаражатының мақсатты пайдаланылуына бақылау жоқ екенін атап өтті. Мысалы, қызметті тұтынушылар өз адвокатын бетпе-бет көрмеген жағдайлар орын алған. Немесе тергеушілердің жұмысына шағым айтпайтын «ыңғайлы» қорғаушылар шақырылған жағдайлар болған.

Әділет министрінің орынбасары Ақерке Ахметованың айтуынша, келесі жылдың 1 қаңтарынан бастап адвокаттардың жауапкершілігін міндетті сақтандыру енгізіледі. Бұл қорғаушыларға адвокат қателігі болған жағдайда залалды өтеу үшін сақтандыру компанияларына жүгінуге мүмкіндік береді. Осылайша, міндетті сақтандыру адвокаттың да, қорғалушының да қорғалуын қамтамасыз етеді.

Республикалық адвокаттар алқасының төрағасы Қадыржан Баймұханова нарық жас мамандарды қажет ететінін атап өтті. Өйткені бұрынғы мемлекеттік қызметкерлер мен ІІМ қызметкерлері белгілі бір тестілеуден өтпей адвокаттарға қатарына қосылуда. Қазірдің өзінде жоғары оқу орындары және өңірлік алқа орталықтарымен мамандарының біліктілігін арттыру бойынша келісімдер жасалуда.

Депутат Сәуле Айтпаева өз сөзінде мемлекет кепілдік берген заң көмегі жүйесіне қатысатын адвокаттарға хабарласа алмағанын айтты. «Egov.kz сайтындағы заңгерлер тізімі 2015 жылдан бастап жаңартылмаған. Халыққа тегін кеңес беру керек, егер олардың телефондары жұмыс істемесе, оны қалай алады? Мен тек тексердім», - деді сенатор.

Владимир Волков кездесуді қорытындылай келіп, адвокаттық және заң көмегін жетілдіру бойынша әзірленген ұсынымдар оларды іске асыру үшін тиісті жауапты органдарға жіберілетінін атап өтті. 

Соңғы жаңалықтар

Басылым басшылары - Жүсiпбек АЙМАУЫТОВ (1889-1931)

Басылым басшылары • Бүгін, 17:42

Басылым басшылары - Смағұл СӘДУАҚАСОВ (1900-1933)

Басылым басшылары • Бүгін, 16:53

Алматыда Абай клубы ашылды

Руханият • Бүгін, 16:22

Басылым басшылары - Бернияз КҮЛЕЕВ (1899-1923)

Басылым басшылары • Бүгін, 14:55

Басылым басшылары - Тәмимдар САФИЕВ (1892-?)

Басылым басшылары • Бүгін, 11:28

Атыраулықтар тағы да үздіктер қатарында

Аймақтар • 13 Желтоқсан, 2019

Ұқсас жаңалықтар