Экономика • 25 Қараша, 2019

Жоспарлы консультациялар өтті

9 реткөрсетілді

Қалмұханбет Қасымов Ресейдің Қауіпсіздік Кеңесінің Хатшысы Николай Патрушевпен кездесті, деп хабарлады Президенттің баспасөз қызметі.

Мәскеу қаласында Қазақстан Рес­публикасы және Ресей Фе­дерациясы Қауіпсіздік кеңестері аппараттары арасындағы кеңей­тілген жоспарлы консультациялар өтті.

Қазақстан Республикасы Президентінің көмекшісі – Қауіпсіздік Кеңесінің Хатшысы Қалмұханбет Қасымовтың және Ресей Федерациясы Қаупсіздік Кеңесінің Хатшысы Николай Патрушевтің төрағалығымен өткен келіссөздер барысында ын­ты­мақтастықтың өзекті мәселе­лері талқыланды.

Тараптар су қауіпсіздігінің жағдайын және трансшекаралық су ресурстарының экожүйелерін сақтау бойынша шараларды егжей-тегжейлі қарады. Соның ішінде Жайық өзенінің бассейнін сауықтыру туралы бірлескен жұмыс бойынша пікір алмасты.

Бұдан бөлек күн тәртібіне әлемде сауда-экономикалық тыйым салу жағдайындағы екі мемлекеттің әскери-техникалық ынтымақтастықты күшейту бағыттары шығарылды.    

Сонымен қатар Қазақстан мен Ресей Қауіпсіздік Кеңестерінің хатшылары әлемдік және өңірлік қауіпсіздік саласындағы қазіргі ахуал мен әріптестіктің алдағы бағыттары бойынша пікірлерін білдірді.

Жұмыс нәтижелері бойынша екі елдің тиісті мемлекеттік органдарына нақты тапсырмалар берілді.

 

Соңғы жаңалықтар

Қызылжарда 75 көше жөнделеді

Аймақтар • Бүгін, 20:30

Қапшағай қаласының әкімі ауысты

Аймақтар • Бүгін, 17:20

Жігіттің жақсысы

Руханият • Бүгін, 16:21

Ұқсас жаңалықтар