![Овертаймда басым түсті](/media/2019/11/28/the_colts_applying_pressure_at_the_battalion_net.jpg)
Кездесудің алғашқы шайбасын ойынның жетінші минутында мұзайдын иелерінен Сергей Мозякин соқты. Мозякинді хоккей жанкүйерлері Олимпиада және Әлем чемпионы ретінде жақсы таниды. Матчтың бірінші кезеңі 1:0 есебімен аяқталды. Үзілістен кейін «Барыс» сапынан Павел Акользин таразы басын теңестірді. Үшінші кезеңде есеп өзгерген жоқ. Ал қосымша уақытта Линус Виделль нысананы дәл көздеп, командасына жеңіс сыйлады. Есеп – 1:2.
Бұл жеңісінен кейін «Барыс» «Шығыс» конференциясында 38 ұпаймен 5-орында келеді. Жерлестеріміз келесі кездесуін бүгін Екатеринбургте «Автомобилист» клубына қарсы өткізеді.