Қоғам • 29 Қараша, 2019

ШҚО-да аурухананың бас есепшісі бюджет қаржысын жымқырды деп күдіктелуде

147 рет
көрсетілді
1 мин
оқу үшін

Шығыс Қазақстан облысының Сыбайлас жемқорлыққа қарсы қызметі сыбайлас жемқорлық қылмысын жасады деген күдікпен ШҚО Денсаулық сақтау басқармасының «Шемонаиха орталық аудандық ауруханасы» ШЖҚ КМК-ның бас есепшісіне қатысты сотқа дейінгі тергеу жүргізуде. Бұл туралы Сыбайлас жемқорлыққа қарсы іс-қимыл Агенттігінің баспасөз қызметі хабарлады. 

ШҚО-да аурухананың бас есепшісі бюджет қаржысын жымқырды деп күдіктелуде

Ол «Халық Банк» АҚ және «Банк Центр Кредит» АҚ-дағы карточкалық шоттарына ақшаны заңсыз аудару арқылы өте үлкен мөлшерде – 92 млн 500 мың теңге көлемінде бюджет қаражатын жымқырды деген күдікке ілінді.

Таяуда күдіктіге қатысты қамауға алу түріндегі бұлтартпау шарасы санкцияланған.

Күдіктінің кінәсінің деңгейін анықтау туралы шешімді сот қабылдайтын болады.